இது நிஜமா.. சென்னை, பெங்களூரு, கேரளா, மலேசியாவிலும் ஹவுஸ்ஃபுல்.. ’லவ் டுடே’ ஹீரோ நெகிழ்ச்சி!

இது நிஜமா

இது நிஜமாகவே நடந்து கொண்டிருக்கிறதா, நான் கேட்பதும், காண்பதும் நிஜமா? ஒவ்வொரு நாளும் படத்தின் காட்சிகளும் நள்ளிரவு காட்சிகளும் தியேட்டர் ஆக்கிரமிக்கும் அதிகரித்துக் கொண்டிருக்கிறது. நேற்று திங்கட்கிழமை ஆனாலும் பல இடங்களில் காலை காட்சிகள் ஹவுஸ்புல் ஆவதையும் குடும்பங்கள் வருவதையும் ரசிகர்கள் மறு முறை பார்ப்பதையும் பார்த்தேன்.

பெங்களூரு, கேரளா மலேசியா

தமிழ்நாட்டிற்கு வெளியிலும் இதே நிலை இருக்கிறது. (பெங்களூரு, கேரளா, மலேசியா) நான் நட்சத்திரம் இல்லை உங்களில் ஒருவன். நீங்கள் என் மீது காட்டும் அன்பு மிகப்பெரியது. உங்களை நம்பிய என்னை நீங்கள் கைவிடவில்லை, மாறாக என்னை கை தூக்கி விட்டீர்கள். நான் சொன்னது போல் நம்பிக்கை கைவிடாது நன்றி.

தியேட்டர் கதவுகளின் ஓரத்தில்

என்னை நம்பியதற்கு அகோரம் அவர்களுக்கு நன்றி. நீங்கள் சிரிப்பதையும் கொண்டாடுவதையும் தியேட்டர் கதவுகளின் ஓரத்தில் இருந்து பார்த்துக் கொண்டிருக்கிறேன். அதுவே எனக்கு மிகுந்த சந்தோஷத்தை தருகிறது. உங்களின் முகத்தில் மிளிரும் சந்தோஷமே எனக்கு சந்தோஷம். அதுவே நான் விரும்பியது.

ரசிகர்களுக்கு நன்றி

தியேட்டரில் சத்தமும் மகிழ்ச்சியான முகங்களும் நன்றி. நீங்கள் என்னை நேசிப்பதையும் என் மீது அக்கறை கொள்வதையும் ஆதரவு அளிப்பதையும் பார்த்துக் கொண்டே இருக்கிறேன். நான் உங்களை நேசிக்கிறேன் என்பதையும், மேலும் மிகவும் நேசிக்கிறேன் என்பதையும் மட்டும் இப்போது தெரிவித்துக் கொள்கிறேன். இப்படிக்கு உங்கள் பிரதீப் ரங்கநாதன் என லவ் டுடே படத்தின் ஹீரோவும் இயக்குநருமான பிரதீப் ரசிகர்களுக்கு நன்றி தெரிவித்துள்ளார்.