உலகம் முழுவதும் மாஸ் காட்டிய ‘மாநாடு‘…. வசூல் எவ்வளவு தெரியுமா ?

மாநாடு

வெங்கட் பிரபு இயக்கத்தில் சிம்பு நடித்துள்ள படம் மாநாடு. நீண்ட போராட்டங்கள், பல தடைகளைக் கடந்து நவம்பர் 25 ம் தேதி ரிலீஸ் செய்யப்பட்டது. தமிழ், தெலுங்கு, கன்னடம், இந்தி, மலையாளம் ஆகிய ஐந்து மொழிகளில் இந்த படம் ரிலீஸ் செய்யப்பட்டது.

பல நட்சத்திரங்கள்

சிம்பு, கல்யாணி பிரியதர்ஷன்,எஸ்.ஜேசூர்யா, எஸ்.ஏ.சந்திரசேகர், ஒய் ஜி மகேந்திரன், பிரேம்ஜி என ஒரு நட்சத்திர பட்டாளமே இத்திரைப்படத்தில் நடித்திருந்தனர். சுரேஷ் காமாட்சி தயாரித்துள்ள இந்த படத்திற்கு யுவன்சங்கர் ராஜா இசையமைத்திருந்தார்.

டைம் லூப்

மாநாடு திரைபடம் ஒரு டைம் லூப் கான்செப்ட் ஐ மையப்படுத்தி எடுக்கப்பட்ட திரைப்படமாகும். தமிழில் முதல் முறையாக டைம் லூப் முறையில் படம் எடுக்கப்பட்டுள்ளது. இப்படத்தின் ஒன்லைனாக முதலமைச்சரை கொல்ல நடக்கும் சதி திட்டத்தில் சிம்பு மாட்டிக்கொண்டு அதில் இருந்து எப்படி வெளிவருகிறார் என்பதை பற்றியே ஆகும்.

பிரம்மாண்ட வெற்றி

மாநாடு படத்தில் அப்துல் காலீக் ரோலில் சிம்புவும், தனுஷ்கோடி என்ற போலீஸ் அதிகாரி ரோலில் எஸ்.ஜே.சூர்யாவும் நடித்திருந்தனர். இருவரின் நடிப்பும் பெரிய அளவில் பாராட்டை பெற்றதுடன், மாநாடு படத்திற்கு பிரம்மாண்ட வெற்றியை பெற்று தந்துள்ளது.

முதல் நாள் வசூல்

தமிழ்நாட்டில் சிம்புவின் மாநாடு திரைப்படம் முதல் நாளில் 5 முதல் 7 கோடி வரை வசூல் ஈட்டியதாக தகவல் வெளியாகின. நடிகர் சிம்புவுக்கு இது மிகப்பெரிய ஓப்பனிங் என்றும் படத்திற்கு கிடைத்துள்ள வரவேற்பு காரணமாக மிகப்பெரிய வசூல் வேட்டையை மாநாடு நிகழ்த்தும் என எதிர்பார்க்கப்பட்டது.

செம்ம வசூல்

இந்நிலையில் லேட்டஸ்ட் தகவலாக கடந்த இரு நாட்களில் மாநாடு படம் வசூலித்த தொகை பற்றிய தகவல் வெளியாகி உள்ளது. உலகம் முழுவதும் மாநாடு படம் வசூலித்த தொகை ரூ.75 கோடிக்கு மேல் வசூல் செய்துள்ளதாக தகவல் வெளியாகி உள்ளது. இதில் அதிகபட்சமாக தமிழகத்தில் ரூ.53 கோடிகளை மாநாடு படம் வசூலித்துள்ளதாம்.