100 கோடி கிளப்பில் இணைய தயாராகும் மாநாடு...11 நாள் வசூல் எவ்வளவு தெரியுமா ?

பாராட்டை பெற்ற மாநாடு

மாநாடு படத்தில் அப்துல் காலீக் ரோலில் சிம்புவும், தனுஷ்கோடி என்ற போலீஸ் அதிகாரி ரோலில் எஸ்.ஜே.சூர்யாவும் நடித்திருந்தனர். இருவரின் நடிப்பும் பெரிய அளவில் பாராட்டை பெற்றதுடன், மாநாடு படத்திற்கு பிரம்மாண்ட வெற்றியை பெற்று தந்துள்ளது.

வசூலை வெளியிட்ட தயாரிப்பாளர்

படம் ரிலீசான அடுத்த நாளே சக்சஸ் பார்ட்டி கொண்டாடிய மாநாடு டீம், ரசிகர்களுக்கு நன்றி சொல்லி வீடியோவும் வெளியிட்டனர். மாநாடு 2 படத்தையும் தயாரிக்கும் முயற்சிகள் நடந்து வருவதாக கூறப்படுகிறது. இதற்கிடையில் மாநாடு படத்தின் வசூல் பற்றிய தகவலை சுரேஷ் காமாட்சி அவ்வப்போது ட்விட்டரில் வெளியிட்டு வந்தார்.

11 நாட்களில் மாநாடு வசூல்

இந்நிலையில் லேட்டஸ்ட் தகவலாக கடந்த 11 நாட்களில் மாநாடு படம் வசூலித்த தொகை பற்றிய தகவல் வெளியாகி உள்ளது. கடந்த 11 நாட்களில் உலகம் முழுவதும் மாநாடு படம் வசூலித்த தொகை ரூ.77 கோடிகளை கடந்து விட்டதாம். இதில் அதிகபட்சமாக தமிழகத்தில் ரூ.53 கோடிகளை மாநாடு படம் வசூலித்துள்ளதாம்.

100 கோடி கிளப்பில் இணைகிறதா

கர்நாடகாவில் 3.35 கோடியும், கேரளாவில் 1.65 கோடியும், இந்தியாவின் மற்ற பகுதிகளில் 1.50 கோடியும், வெளிநாடுகளில் 17.50 கோடியும் மாநாடு படம் வசூலித்துள்ளது. ரிலீசான 11 நாட்களில் 77 கோடி வசூலை கடந்து விட்டதால், 15 நாட்களுக்குள் மாநாடு படம் 100 கோடி கிளப்பில் இணையும் என எதிர்பார்க்கப்படுகிறது.

Recommended Video

Maanaadu Review | Yessa ? Bussa ? | Silambarasan | S J Suryah | Venkat Prabhu | Filmibeat Tamil

டிரெண்டிங்கில் சிம்பு படங்கள்

மாநாடு படத்தின் பிளாக்பஸ்டர் வெற்றியால் சிம்பு அடுத்தடுத்து நடித்து வரும் படங்களின் மீதான எதிர்பார்ப்பும் அதிகரித்துள்ளது. இதன் காரணமாக மாநாட்டை தொடர்ந்து வெந்து தணிந்தது காடு ஹாஷ்டேக்கும் ட்விட்டரில் டிரெண்டிங் ஆக்கப்பட்டுள்ளது.