'அம்மாவுக்கு பதிலாக மாதுரி தீட்சித்..' - ஶ்ரீதேவி மகள் இன்ஸ்டாகிராமில் அறிவிப்பு!

ஶ்ரீதேவி

கரண் ஜோஹர் தயாரிப்பில், பாலிவுட் இயக்குநர் அபிஷேக் வர்மன், தற்போது ஷிட்டட் என்ற படத்தை இயக்க உள்ளார். இந்தப் படத்தில் வருண் தவான், அலியாபட், சோனாக்ஷி சின்ஹா, ஆதித்யாராய் கபூர், சஞ்சய் தத் ஆகியோருடன் நடிகை ஶ்ரீதேவியும் முக்கிய வேடத்தில் நடிப்பதாகக் கூறப்பட்டது.

மீண்டும் தொடக்கம்

இந்நிலையில் எதிர்பாராத விதமாக ஶ்ரீதேவி இறந்துவிட, படத்தை கைவிட்டதாக படக்குழு தெரிவித்திருந்தது. ஆனால் தற்போது, ஷிட்டட் படத்தில் நடிகை ஶ்ரீதேவிக்கு பதிலாக, மாதுரி தீட்சித் நடிப்பதாக தகவல் வெளியாகியுள்ளது.

ஜான்வி கபூர்

நடிகை ஸ்ரீதேவியின் மூத்த மகளான ஜான்வி கபூர் மூலம் ஶ்ரீதேவிக்கு பதிலாக மாதுரி தீட்சித் நடிக்கும் தகவல் உறுதியாகியுள்ளது. இதுகுறித்து ஜான்வி கபூர் தனது இன்ஸ்டாகிராம் பக்கத்தில் அறிவிப்பு வெளியிட்டுள்ளார்.

மிகுந்த நன்றி

"அபிஷேக் வர்மனின் இந்தப் படம் என் அம்மாவின் மனதிற்கு மிகவும் நெருக்கமானது. இந்தப் படத்தில் அம்மாவிற்கு பதிலாக மாதுரி தீட்சித் நடிப்பதற்கு நான், தங்கை குஷி மற்றும் எனது தந்தை ஆகியோர் நன்றி தெரிவித்துக் கொள்கிறோம்" எனக் கூறியுள்ளார்.