FIFA World Cup 2022: உலககோப்பை கால்பந்தாட்ட ஃபைனலை நேரடியாக கண்டு ரசிக்கும் மம்முக்கா, மோகன்லால்!

உலககோப்பை ஃபைனல்ஸ்

கிரிக்கெட் மற்றும் ஃபுட்பால் விளையாட்டுக்குத்தான் உலகளவில் ஏகப்பட்ட ரசிகர்கள் உள்ளனர். கிரிக்கெட்டை தாண்டியும் கால்பந்தாட்ட போட்டிக்கு ரசிகர்கள் ஏராளம். சினிமா பிரபலங்களும் அதிகளவில் விளையாட்டு போட்டிகளின் ரசிகர்களாக உள்ளனர். நேரடியாகவே மேட்ச்சை கண்டு ரசிக்கும் ஆர்வத்தை அதிகளவில் கொண்டுள்ளனர். கத்தாரில் நடைபெற்று வரும் கடைசி உலககோப்பை போட்டியில் அர்ஜெண்டினாவுக்கும் பிரான்ஸ் நாட்டுக்கும் இடையே போட்டி நடைபெற்று வருகிறது.

மெஸ்ஸி ஜெர்ஸியுடன் கீர்த்தி சுரேஷ்

இதில் அர்ஜெண்டினாவை சேர்ந்த நட்சத்திர ஆட்டக்காரரான மெஸ்ஸிக்கு உலகளவில் ரசிகர்கள் உள்ளனர். சச்சின் டெண்டுல்கரை போலவே இவரது ஜெர்ஸி நம்பரும் 10 என்பது குறிப்பிடத்தக்கது. இந்நிலையில், நடிகை கீர்த்தி சுரேஷ் தனது இன்ஸ்டா பக்கத்தில் மெஸ்ஸியின் ஜெர்ஸி உடன் போட்டோ போட்டு உலககோப்பை போட்டியை தான் கண்டு ரசிக்கப் போவதாக தெரிவித்து இருந்தார்.

அட்டிக்குள்ள யாரு பாரு

அரபு அமீரக நாடுகளில் கோல்டன் விசா பெற்றுள்ள நடிகர் மம்மூட்டி கத்தாரில் நடைபெற்று வரும் இறுதிப்போட்டியை ஸ்டேடியத்திற்கே சென்று நேரடியாக கண்டு ரசிக்கும் புகைப்படத்தை தனது இன்ஸ்டாகிராம் பக்கத்தில் பதிவிட்டு ரசிகர்களை வெறியேற்றி உள்ளார். "Witnessing the biggest sporting spectacle.. What an atmosphere.. what a moment!! #fifaworldcup2022" என்றும் அவர் கேப்ஷன் கொடுத்துள்ளார்.

குவியும் லைக்ஸ்

71 வயதிலும் கால்பந்தாட்ட போட்டியை ஸ்டேஜுக்கே சென்று கண்டுகளிக்கும் நடிகர் மம்மூட்டியை பார்த்து பல பிரபலங்கள் கமெண்ட்ஸ் மற்றும் லைக்குகளை குவித்து வருகின்றனர். என்ஜாய் பண்ணுங்க மம்மூக்கா என்று கமெண்ட்டுகளை தெறிக்கவிட்டு வருகின்றனர். இந்த ஆண்டு மம்மூட்டி நடிப்பில் ஏகப்பட்ட படங்கள் வெளியாகின. அடுத்த ஆண்டு ஜோதிகாவுடன் இணைந்து காதல் படத்திலும் ரம்யா பாண்டியன் உடன் இணைந்து நண்பகல் நேரத்து மயக்கம் படத்திலும் நடித்து வருகிறார் மம்மூட்டி.

ஸ்டேடியத்தில் மோகன்லால்

மலையாள திரையுலகின் முன்னணி நடிகரான மோகன்லாலும் இந்த இறுதிப்போட்டியை நேரடியாக கத்தார் ஸ்டேடியத்தில் கண்டு ரசிக்கும் புகைப்படத்தை தனது இன்ஸ்டாகிராம் பக்கத்தில் பதிவிட்டுள்ளார். மோகன்லால் மற்றும் மம்மூட்டி இறுதிப்போட்டியை பார்த்து ரசிப்பதை பார்த்த கேரள ரசிகர்கள் உற்சாகமடைந்துள்ளனர்.