ஜிமிக்கி கம்மலை முந்திய ப்ரியா வாரியரின் கண்ணடி பாடல்

கண்ணடி

ப்ரியா வாரியர் புருவத்தை உயர்த்தி சக மாணவனை பார்த்து கண்ணடித்த மாணிக்ய மலராய பாடல் வீடியோ மிகவும் பிரபலமாகிவிட்டது. அந்த வீடியோவே வைரலாக்கிவிட்டதில் தமிழ் ரசிகர்களின் பங்கு அதிகம் என்பதை மறுக்க முடியாது.

சாதனை

யூடியூபில் அதிகம் லைக் செய்யப்பட்ட மலையாள பாடல்கள் வீடியோ பட்டியலில் ஜிமிக்கி கம்மலின் சாதனையை முறியடித்துள்ளது மாணிக்ய மலராய பூவி பாடல் வீடியோ.

யூடியூப்

ஒரு அடார் லவ் படத்தில் வரும் மாணிக்ய மலராய பாடலை யூடியூபில் இதுவரை 5.6 லட்சம் பேர் லைக் செய்துள்ளனர். ஜிமிக்கி கம்மல் பாடல் வீடியோவை 4.6 லட்சம் பேர் லைக் செய்துள்ளனர்.

கில்லி

யூடியூபில் அதிகம் பார்க்கப்பட்ட மலையாள பாடல் என்ற சாதனையை தக்க வைத்துள்ளது ஜிமிக்கி கம்மல். கடந்த ஆகஸ்ட் மாதம் வெளியான ஜிமிக்கி கம்மல் வீடியோவை இதுவரை 67 மில்லியன் பேர் பார்த்துள்ளனர்.

முந்துமா?

மாணிக்ய மலராய பாடல் வீடியோவை இதுவரை 35 மில்லியன் பேர் பார்த்து ரசித்துள்ளனர். இதே வேகத்தில் சென்றால் ஜிமிக்கி கம்மலை முந்தி அதிகம் பார்க்கப்பட்ட மலையாள பாடல் வீடியோ என்ற பெருமையை மாணிக்ய மலராய பாடல் பெறும்.