புதிய கார் வாங்கிய பூவையார்.. வெறும் 14 வயதிலேயே மாஸ் காட்டிய மாஸ்டர் நடிகர்.. ரசிகர்கள் வாழ்த்து!

சூப்பர் சிங்கர்

பூவையார் எனும் கப்பீஸ் விஜய் டிவியின் பிரபல ரியாலிட்டி ஷோவான சூப்பர் சிங்கர் ஜூனியர் நிகழ்ச்சியில் கலந்து கொண்டு பாடல்களை பாடி அசத்தினார். பூவையார் ஸ்டேஜில் பாட்டுப் பாடும் போது செய்யும் பர்ஃபார்மன்ஸ்கள் ரசிகர்களை மட்டுமல்ல நடிகர் விஜய் உள்ளிட்ட பல பிரபலங்களையும் வெகுவாக கவர்ந்தது.

விஜய்க்கு பிடித்த நடிகர்

பிகில் படத்தில் ஏ.ஆர். ரஹ்மான் இசையிலேயே பூவையாரை பாட வைக்க பரிந்துரை செய்தார் நடிகர் விஜய். அந்த அளவுக்கு அவருக்கு பூவையாரின் குரல் மற்றும் ஆக்டிவிட்டிகள் பிடிக்குமாம். "அய்யய்யோ யாராண்ட" என பூவையார் பிகில் படத்தில் ஆரம்பிக்க நெஞ்சுக்குள்ள குடியிருக்கும் பாடலை பாடி ஆடியிருப்பார் விஜய்.

மாஸ்டர் உண்டியல்

பிகில் படத்தைத் தொடர்ந்து லோகேஷ் கனகராஜ் இயக்கத்தில் விஜய் நடித்த மாஸ்டர் படத்திலும் உண்டியல் எனும் கதாபாத்திரத்தில் சிறுவர் சீர்த்திருந்த பள்ளியில் இருக்கும் மாணவராக நடித்திருப்பார் பூவையார். அந்த படத்திற்கு பிறகு அவரது ரேஞ்சே மாறிவிட்டது என்று தான் சொல்ல வேண்டும்.

புதிய கார்

இந்நிலையில், புதிய கார் ஒன்றை வாங்கி உள்ள பூவையார் தனது இன்ஸ்டாகிராம் பக்கத்தில் அதன் புகைப்படங்களை பதிவிட ரசிகர்களும் பிரபலங்களும் பூவையாருக்கு வாழ்த்துக்களை சொல்லி வருகின்றனர். சாதாரண பின்னணியில் இருந்து வந்து சினிமாவில் சாதித்து 14 வயதிலேயே சொந்தமாக கார் வாங்கும் அளவுக்கு பூவையார் முன்னேறியிருப்பதை பார்த்து ரசிகர்கள் மகிழ்ச்சியடைந்துள்ளனர்.

மக்களுக்கு நன்றி

"மக்களே எங்களோட புதிய கார். நீங்கள் இல்லயே நான் இல்லை. உங்களுடைய ஆசிர்வாதம் எனக்கு எப்போமே இருக்கணும். அனைவருக்கும் நன்றி. இறைவனுக்கும் நன்றி. எல்லா புகழும் ஆண்டவனுக்கு" எனக் குறிப்பிட்டு பூவையார் பதிவிட்டுள்ள இன்ஸ்டாகிராம் போஸ்ட்டுக்கு லைக்குகள் குவிந்து வருகின்றன.