»   »  அஜித்தை முந்திய விஜய்... ட்விட்டரில் தெறிக்கும் 'மெர்சல்' எமோஜி!

அஜித்தை முந்திய விஜய்... ட்விட்டரில் தெறிக்கும் 'மெர்சல்' எமோஜி!

Posted By:
Subscribe to Oneindia Tamil

சென்னை : அட்லீ இயக்கத்தில் நடிகர் விஜய், காஜல் அகர்வால், சமந்தா, வடிவேலு ஆகியோர் நடிக்கும் திரைப்படம் 'மெர்சல்'. 'மெர்சல்' விஜய்யின் 61 -வது படம். கடந்த ஜூன் மாதம் வெளியான இந்தப் படத்தின் ஃபர்ஸ்ட் லுக் பெரும் வரவேற்பை பெற்றது. இந்தப் படத்தில் விஜய் மூன்று வேடங்களில் நடித்து வருகிறார். ஏ.ஆர்.ரஹ்மானின் இசை இந்தப் படத்தின் மீதான எதிர்பார்ப்பை எகிற வைத்திருக்கிறது.

உற்சாகத்தில் ரசிகர்கள் :

உற்சாகத்தில் ரசிகர்கள் :

கடந்த ஆகஸ்ட் 10-ம் தேதி இப்படத்தின் 'ஆளப்போறான் தமிழன்' சிங்கிள் ட்ராக் வெளியிடப்பட்டது. நேற்று 'நீதானே... நீதானே...' எனும் இரண்டாவது சிங்கிள் ட்ராக் வெளியிடப்பட்டது. பாடலாசிரியர் விவேக் எழுதிய இந்தப் பாடலை, ஸ்ரேயா கோஷல், ஏ.ஆர்.ரஹ்மான் ஆகியோர் பாடியிருக்கின்றனர். இப்படத்தின் இசை வெளியீட்டு விழா வரும் 20-ம் தேதி சென்னை நேரு ஸ்டேடியத்தில் மிகப் பிரம்மண்டமாக நடைபெற உள்ளது. 'மெர்சல்' படம் குறித்த அதிரடி அறிவிப்புகளால் விஜய் ரசிகர்கள் மிகுந்த உற்சாகத்தில் இருக்கின்றனர்.

ட்விட்டர் கொடுத்த சர்ப்ரைஸ் :

ட்விட்டர் சமூக வலைதளம் இன்று 'மெர்சல்' படத்திற்கு புதிதாக எமோஜியை அறிமுகப்படுத்தி இருக்கிறது. 'மெர்சல்' ஃபர்ஸ்ட் லுக்கில் இருக்கும் விஜய்யின் வடிவத்தில் உருவாக்கப்பட்டிருக்கும் அந்த எமோஜி ட்விட்டர் தளத்தால் அதிகாரப்பூர்வமாக இன்று லைவ் செய்யப்பட்டிருக்கிறது. இந்த எமோஜியை நடிகர் விஜய் தனது ட்விட்டர் பக்கத்தில் குறிப்பிட்டுள்ளார்.

கபாலிக்குக் கிடைக்காத பெருமை :

கபாலிக்குக் கிடைக்காத பெருமை :

ஏற்கெனவே, 'கபாலி' படத்திற்கு எமோஜி வெளியிட முயற்சிசெய்யப்பட்டது. ஆனால், அப்படத்திற்குக் கிடைக்கவில்லை. இதனையடுத்து, அஜித் நடிக்கும் 'விவேகம்' படத்திற்கோ விஜய் நடிக்கும் 'மெர்சல்' படத்திற்கோ எமோஜி கிடைக்கும் என்று எதிர்பார்ப்பு எழுந்தது. அதனால் விஜய் - அஜித் ரசிகர்கள் சமூக வலைதளங்களில் மோதிக்கொண்டனர்.

இந்நிலையில் ட்விட்டரில் தளம், விஜய் ரசிகர்களின் எதிர்பார்ப்பைப் பூர்த்திசெய்யும் விதமாக 'மெர்சல்' எமோஜி வெளியிட்டுள்ளது. தமிழ் சினிமாவின் முதல் எமோஜி எனும் பெருமையும் மெர்சலுக்குக் கிடைத்துள்ளது. 'எமோஜி வெளியிடப்பட்டது முதல் ரசிகர்கள் அந்த எமோஜியைக் குறிப்பிட்டு ட்வீட்டுகளைத் தெறிக்கவிட்டுக் கொண்டிருக்கிறார்கள்.

முதல் இந்தியப் படம் :

முதல் இந்தியப் படம் :

பாலிவுட்டில் சல்மான் கான் நடித்த 'டியூப்லைட்' படத்திற்கு முதல் முறையாக ட்விட்டர் எமோஜி அறிமுகமானது. அதுவே இந்தியத் திரைப்படம் ஒன்றிற்கு அளிக்கப்பட்ட முதல் எமோஜி ஆகும். தென்னிந்தியாவில் இந்தப் பெருமையை தமிழ்ப்படம் ஒன்று கைப்பற்றி இருக்கிறது.

For Quick Alerts
ALLOW NOTIFICATIONS
For Daily Alerts

    English summary
    Mersal special emoji was officially released by twitter. Mersal is vijay's 61st movie directed by atlee.

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more