'தர்மதுரை'யை பார்த்து நெகிழ்ந்தேன், கலங்கினேன், மகிழ்ந்தேன்: இயக்குனருக்கு ஸ்டாலின் கடிதம்

தர்மதுரை

தங்கள் இயக்கத்தில் உருவாக்கிய தர்மதுரை திரைப்படத்தை பார்த்தேன். தர்மதுரை 50 நாட்களுக்கு மேல் தமிழகத்தில் வெற்றி நடைபோட்டு, இன்றைக்கும் பல்வேறு திரையரங்குகளில் மாற்றித் திரையிடப்பட்டு, மக்கள் பேராதரவுடன் ஓடிக் கொண்டிருப்பது மகிழ்ச்சிக்கும், பாராட்டுக்கும் உரியது.

சமூக மாற்றம்

திரையுலகில் நீண்ட அனுபவம் கொண்ட நீங்கள் இயக்குகின்ற படங்கள் எப்போதும் ஒரு சமூக நோக்கம் கொண்டதாகவே அமைந்திருக்கும் என்பதைப் போன்றே இந்த தர்மதுரையிலும் பல சமூக மாற்றங்களை வலியுறுத்துகின்ற வகையில் படம் உருவாக்கப்பட்டுள்ளது.

கலங்க வைக்கிறது

அன்புச்செல்வி தற்கொலை செய்து கொள்கிறார். தன் தற்கொலைக்கு தர்மதுரையோ, வேறு யாருமோ காரணமல்ல என்று கூறி கடிதமும் எழுதி வைத்து அவர்களையும் காப்பாற்றுகின்ற காட்சி பார்ப்பவரைக் கலங்க வைக்கிறது.

ஆண்டிப்பட்டி காத்து

கவிப்பேரரசு வைரமுத்துவின் கவிதைகளில், யுவன்சங்கர் ராஜா இசையிலான பாடல்,

ஆண்டிப்பட்டி கணவாய் காத்து
ஆளைத் தூக்குதே என்ற பாடலும் இசையும் இதயத்தில் இன்னிசை ராகம் பாடிக் கொண்டே இருக்கிறது.