மறுபடியும் மெளலி படத்தில் கமல்.. "கிச்சுகிச்சு" படமாகஉருவாகிறதாம்!

சென்னை: இயக்குனரும் தமிழின் சிறந்த குணச்சித்திர நடிகர்களில் ஒருவருமான மௌலி தனது அடுத்த படத்தில் நடிகர் கமலை இயக்கப் போவதாக தகவல்கள் வெளியாகி உள்ளன.

கடந்த 2002 ம் ஆண்டில் வெளிவந்த பம்மல் கே சம்பந்தம் படத்தில் கமலை இயக்கிய மௌலி, 13 வருடங்கள் கழித்து மீண்டும் உலகநாயகனை இயக்கவிருக்கிறார்.

சமீபத்தில் இயக்குனர் மௌலி நடிகர் கமலை சந்தித்து புதிய படத்திற்கான கதை பற்றி விவாதித்தாகவும், மௌலி கூறிய கதை பிடித்துப்போனதால் கமல் அவருடைய இயக்கத்தில் நடிக்க ஒப்புக்கொண்டுள்ளதாகவும் கூறப்படுகிறது.

விரைவில் இதுகுறித்து அதிகாரப்பூர்வ அறிவிப்பு வெளியாகலாம் என எதிர்பார்க்கப்படுகிறது, கமல் நடித்த ‘பம்மல் கே.சம்பந்தம்' படத்தைப் போன்று இப்படமும் முழுக்க முழுக்க காமெடியாக இருக்குமாம்.

கமல் தற்போது ‘தூங்காவனம்' படத்தின் டப்பிங் பணிகளில் பிசியாக இருக்கிறார். இதுதவிர, இந்தியில் சயீப் அலிகானுடன் சேர்ந்து நடிக்கவிருக்கும் ‘அமர் ஹை' என்ற படமும் இவரது கைவசம் உள்ளது. இவ்விரு படங்களையும் முடித்துவிட்டு, மௌலியுடன் இணைவார் என்று தகவல் அறிந்தவர்கள் கூறுகின்றனர்.

மௌலி சார் படத்துல காமெடி கொஞ்சம் தூக்கலா இருக்கட்டும்........