விஜய் அண்ணா..வாரிசு படம் பார்த்து கண்கலங்கிய தமன்.. ட்விட்டரில் உருக்கமான பதிவு!

தளபதி விஜய்யின் வாரிசு

தளபதி விஜய் நடித்த வாரிசு திரைப்படத்திலிருந்து பாடல்கள், டீசர்கள் என அனைத்தும் வெளியாகி படத்தின் மீதான எதிர்பார்ப்பை அதிகரித்துள்ளது. படத்தின் மீதான ஆவலை தூண்டும் வகையில், இசை வெளியீட்டு விழா மிகவும் பிரம்மாண்டமாக நடந்து முடிந்துள்ளது. இந்த விழாவில், விஜய் ரசிகர்களை கவரும் வகையில் பாட்டு,டான்ஸ்,கதை என அனைத்தையும் சொல்லி அசத்தினார்.

கொண்டாடும் ரசிகர்கள்

வாரிசு படத்தில் இருந்து வெளியாகியுள்ள, ரஞ்சிதமே பாடல், தீ தளபதி, soul of varisu ஆகிய மூன்று பாடல்களும் நல்ல வரவேற்பை பெற்றன. இந்த பாடலுக்கு ரசிகர்கள் நாளை திரையரங்கமே அதிரும் அளவுக்கு ஆட்டம் போடுவார்கள் என்பதில் எந்தவிதமான சந்தேகமும் இல்லை. வாரிசு படத்தை வெற்றிப்படமாக்க விஜய்யின் தீவிர ரசிகர்கள் கோவில்களில் சிறப்பு பூஜை, அன்னதானம், ரத்ததானம், தோப்புக்கரணம் என பலவிதமான வேண்டுதல்களை செய்து வருகின்றனர்.

கண்கலங்கிய தமன்

இந்நிலையில், வாரிசு படத்தைப்பார்த்த இசையமைப்பாளர் தமன், தனது ட்விட்டர் பக்கத்தில், விஜய் அண்ணா...வாரிசு படத்தின் எமோஷனல் காட்சிகளையும் பார்த்து, நான் அழுதேன். கண்ணீர் விலைமதிப்பற்றது. வாரிசு படம் என் இதயத்திற்கு மிகவும் நெருக்கமானது. இந்த மிகப்பெரிய வாய்ப்பை எனக்கு கொடுத்ததற்கு நன்றி அண்ணா ஐ லவ் யூ என பதிவிட்டுள்ளார்.

முன்னணி நட்சத்திரங்கள்

தமிழ், தெலுங்கு என இரண்டு மொழிகளில் உருவாகி உள்ள இப்படத்தில் விஜய்க்கு ஜோடியாக ராஷ்மிகா மந்தனா நடித்துள்ளார். மேலும் பிரகாஷ் ராஜ் வில்லனாகவும், சரத்குமார் அப்பாவாகவும், ஜெயசுதா அம்மாவாகவும், பிரபு, ஷ்யாம், தெலுங்கு நடிகர் ஸ்ரீகாந்த் அண்ணனாகவும் நடித்துள்ளனர். மேலும், யோகி பாபு, குஷ்பு ஆகியோர் நடித்துள்ளனர். நடிகர் விஜய் பல ஆண்டுகளுக்கு பிறகு குடும்ப செண்டிமென்ட் கதையில் நடித்துள்ளார்.