நாய்சேகர் வேஷம் போட்டுட்டு இப்படியா பண்ணுவீங்க மைனா.. கடுப்பான பிக் பாஸ் ரசிகர்கள்!

கமல் கொடுத்த ஐடியா

பிக் பாஸ் நிகழ்ச்சி என்றாலே ஒரே வீட்டில் 100 நாட்கள் போட்டியாளர்களை வைத்து கிளேடியேட்டர் போல சண்டை போடவிட்டு பார்ப்பது என்றெல்லாம் நினைக்க வேண்டாம் என்றும் ஜாலியாக திறமைகளை வெளிப்படுத்த கிடைத்த மேடை என நினைத்துக் கொண்டு ஜாலியா விளையாடுங்க என கமல் கொடுத்த ஐடியாவை வைத்து பிக் பாஸ் டீம் இந்த வாரம் போட்டுள்ள கேம் டாஸ்க்கே ரசிகர்களை பயங்கர கடுப்பில் ஆழ்த்தி உள்ளது.

திறமையை காட்டுறாங்களாம்

24 மணி நேரமும் கேமரா முன் இருக்கப் போகும் போட்டியாளர்கள் தங்கள் திறமையை எப்போ வேண்டுமானாலும், எப்படி வேண்டுமானாலும் காட்டலாம். ஆனால், இந்த வாரம் அதற்காகவே டாஸ்க் கொடுக்கப்பட்டு ஒவ்வொரு பிரபல நடிகர்கள் போல நடிக்க வைத்து வருகின்றனர். நாய்சேகர் வேஷம் போட்டு மைனா நந்தினி பர்ஃபார்ம் பண்ணியுள்ள ப்ரோமோ வெளியாகி உள்ளது.

பர்ஃபார்ம் பண்ணாத மைனா

போட்டியாளர்கள் பர்ஃபார்ம் பண்ண சில டாஸ்க்குகள் கொடுக்கப்பட திடீரென பர்ஃபார்ம் செய்ய வேண்டும். நடிகர்களாக இல்லாத கதிர், தனலட்சுமியே தாறுமாறாக பர்ஃபார்ம் செய்யும் நிலையில், சின்னத்திரை மற்றும் வெள்ளித்திரை நடிகையான மைனா நந்தினி ஏடிகே கொடுத்த டாஸ்க்கை பர்ஃபார்ம் பண்ண பிடிக்கவில்லை என சொல்லும் ப்ரோமோ ரசிகர்களை ஷாக் ஆக்கி உள்ளது.

சண்டை வெடிக்குமா

இந்த வாரம் அசீம் வழக்கம் போல அமைதியாகி உள்ள நிலையில், மைனா நந்தினியை வைத்து மீண்டும் வார இறுதியில் சண்டை போட வைத்து கமல் பஞ்சாயத்து செய்ய தோதாக இருக்க ஏற்பாடுகள் நடக்கிறதா என ரசிகர்கள் கலாய்த்து வருகின்றனர். வார இறுதியே இப்படி இருக்கே, இந்த வாரம் கமல் எபிசோடு ஒரே பாராட்டு மழையாக இருக்குமே பார்க்க முடியுமா? என்றும் கலாய்த்து வருகின்றனர்.