தளபதி 67 ஷூட்டிங்ல இருந்து தான் வரேன்.. செம அடி.. மூஞ்செல்லாம் ரத்தம்.. மிஷ்கின் ஓபன் டாக்!

விஜய்யுடன் சண்டை

லோகேஷ் கனகராஜ் இயக்கத்தில் உருவாகி வரும் தளபதி 67 படத்தில் மிஷ்கின், கவுதம் மேனன் என இயக்குநர்கள் பட்டாளமே நடித்து வருகிறது. ஜி தமிழ் நிகழ்ச்சியில் கலந்து கொண்டு பேசிய இயக்குநர் மிஷ்கின் இப்போ தான் விஜய்யுடன் தளபதி 67 படத்தில் சண்டை போட்டுட்டு வரேன் என பேசி விஜய் ரசிகர்களுக்கு ஹாட் அப்டேட் கொடுத்துள்ளார்.

மூஞ்செல்லாம் ரத்தம்

இயக்குநர் லோகேஷ் கனகராஜ் ஆரம்பத்திலேயே கிளைமேக்ஸ் காட்சியை படமாக்கி விடுவார் என கூறப்பட்டு வரும் நிலையில், மிஷ்கின் உடனான சண்டைக் காட்சி அரங்கேறி இருக்கிறது. விஜய்யுடன் செம சண்டை.. செம அடி எனக்கு.. மூஞ்செல்லாம் ரத்தம்.. சும்மா அடிச்சு வாயெல்லாம் குழப்பி விட்டுட்டாரு என மிஷ்கின் பேசிய வீடியோ பார்த்த விஜய் ரசிகர்கள் வெறியேறி போயுள்ளனர்.

யூத்தா இருக்காரு

யூத் படத்தில் விஜய்யுடன் வொர்க் பண்ணியிருக்கேன்.. அப்போ பார்த்தது போலவே இப்பவும் அப்படியே யங்கா இருக்காரு விஜய். எப்போ பார்த்தாலும் என்னை அண்ணான்னு தான் கூப்பிடுவாரு.. இப்போவும் செட்டில் அப்படியே அவர் கூப்பிடுறதை பார்த்தால் ரொம்பவே மகிழ்ச்சியா இருக்கு என இயக்குநர் மிஷ்கின் பேசி உள்ளார்.

லோகேஷ் வொர்க் சூப்பர்

சில இயக்குநர்கள் நடிப்பு சொல்லித் தரேன்னு நம்மளையே ரொம்ப டார்ச்சர் பண்ணுவாங்க.. ஆனால், லோகேஷ் வொர்க் சூப்பர்.. சீனை சொல்லிட்டு உங்களை ஃப்ரியா விட்டுருவாரு.. நடிகர்களுக்கு ஸ்பேஸ் கொடுத்தால் தான் நடிப்பு வெளியே வரும். ஏக்கும் பிக்கும் இடையேயான ஒரு விஷயத்தை தரமா செய்யுறான் லோகேஷ் என பாராட்டி உள்ளார்.

பிக் பாஸ் ஜனனி

பிக் பாஸ் ஜனனியும் தளபதி 67 படத்தில் இணைந்துள்ளதாக தகவல்கள் வெளியாகி உள்ளன. விஜய், த்ரிஷா, பிரியா ஆனந்த், சஞ்சய் தத், அர்ஜுன், மிஷ்கின், கவுதம் மேனன், ரக்‌ஷித் ஷெட்டி என பெரிய பட்டாளமே இந்த படத்தில் நடித்து வருவதாகவும் படம் வேறலெவலில் உருவாகி வருவதாகவும் தகவல்கள் வெளியாகி உள்ளன.

அடுத்த அப்டேட் ஆரம்பம்

வாரிசு, துணிவு படங்களின் அப்டேட்களை கேட்டு ரசிகர்கள் தொல்லை கொடுத்த நிலையில், இரு படங்களும் வெளியான நிலையில், பாக்ஸ் ஆபிஸ் சண்டை நடைபெற்று வருகிறது. அதுமட்டுமின்றி அடுத்தகட்டமாக தளபதி 67 மற்றும் ஏகே 62 படங்களின் அப்டேட்களை படக்குழுவினர் மெல்ல மெல்ல கொடுக்க ஆரம்பித்து ரசிகர்களை அடுத்த படம் பக்கம் கவனம் செலுத்த கொஞ்சம் கொஞ்சமாக ஈர்த்து வருகின்றனர்.