இளமை சீக்ரெட் இதுதானா...வேற லெவல் மேடம் நீங்க...ஃபிட்னஸ் வீடியோ வெளியிட்ட நதியா

திருமணத்திற்கு பிறகும் நடிப்பு

திருமணத்திற்கு பிறகும் தொடர்ந்து படங்களில் நடித்து வந்தார். முதலில் அமெரிக்காவிலும், பிறகு லண்டனிலும் கணவன் மற்றும் இரு மகள்களுடன் வசித்து வந்த நதியா, பிறகு மும்பையில் வந்து செட்டில் ஆகி விட்டார்.

ரீஎன்ட்ரி கொடுத்த நதியா

1994 ல் கடைசியாக பிரபுவின் 100 வது படமான ராஜகுமாரன் படத்தில் நடித்தார். அதற்கு பிறகு சினிமாவில் இருந்து விலகி இருந்தார். 10 ஆண்டுகள் இடைவெளிக்கு பிறகு 2004 ல் எம் குமரன் சன் ஆஃப் மகாலட்சுமி படத்தின் மூலம் சினிமாவில் ரீ என்ட்ரி கொடுத்தார். டிவி நிகழ்ச்சிகள் சிலவற்றையும் தொகுத்து வழங்கி வந்தார்.

இப்பவும் பிஸி நடிகை

அதற்கு பிறகு மார்க்கெட் குறையாமல் தெலுங்கு, மலையாளம், தமிழ் என பல மொழி படங்களில் கலக்கி வருகிறார். கடைசியாக தமிழில், திரைக்கு வராத கதை என்ற படத்தில் நடித்தார். அதற்கு பிறகு தமிழில் விளம்பர படங்களில் மட்டுமே நடித்து வந்தார்.

54 வயதில் இத்தனை அழகா

54 வயதாகும் நதியாவிற்கு இப்போதும் மார்க்கெட் குறையாமல் இருப்பதற்கு அவரது ஃபிட்னஸ், அழகு, இளமை தோற்றம் தான் காரணம். இதற்கு காரணம் தான் தொடர்ந்து உடற்பயிற்சி, யோகா செய்வது, மகிழ்ச்சியாக இருப்பது தான் என அவரே பல பேட்டிகளில் கூறி உள்ளார்.

ஃபிட்னஸ் வீடியோ வெளியிட்ட நதியா

இந்நிலையில் இன்று ஃபிட்னஸ் வீடியோ ஒன்றை நதியா தனது இன்ஸ்டாகிராமில் வெளியிட்டுள்ளார். வழக்கமாக உடற்பயிற்சி செய்வது உடல், மனம், ஆன்மாவிற்கு தரும் கவுரவம் என அத்துடன் கேப்ஷன் பதிவிட்டுள்ளார் நதியா. இதற்கு முன் சர்வதேச யோகா தினத்தை முன்னிட்டும், அதற்கு பிறகும் தான் யோகா செய்யும் வீடியோக்களை பகிர்ந்திருந்தார் நதியா.