நயன்தாரா - விக்னேஷ் சிவன் திருமணம்.. அட! அந்த விஷயத்தை யாரு கவனிச்சிக்கிறாங்க தெரியுமா?

மகாபலிபுரத்தில் திருமணம்

நடிகை நயன்தாரா மற்றும் இயக்குநர் விக்னேஷ் சிவன் திருமணம் நாளை காலை 4 மணி முதல் 7 மணிக்குள் மகாபலிபுரத்தில் உள்ள தனியார் ரெசார்ட்டில் நடைபெற உள்ளதாக தகவல்கள் வெளியாகி உள்ளன. தொகுப்பாளராக இருந்து லேடி சூப்பர்ஸ்டாராக உயர்ந்துள்ள நயன்தாராவை திருமணக் கோலத்தில் காண ரசிகர்கள் மற்றும் பிரபலங்கள் காத்திருக்கின்றனர்.

Recommended Video

Nayan-Wikki திருமணம் , புதிய Update கொடுத்த Vignesh Shivan *Celebrity |Filmibeat Tamil

வெட்டிங் பிளானர்

பெரிய இடத்து திருமணங்களை எல்லாம் சரியாகவும், எந்தவொரு தடங்கல் இல்லாமல் பந்தக்கால் நடுவதில் இருந்து தாம்பூலப் பை கொடுத்து வழியனுப்பி வைப்பது வரை அனைத்து ஏற்பாடுகளையும் வெட்டிங் பிளானர் எனப்படும் திருமண ஏற்பாட்டாளர்கள் தான் செய்து வருகின்றனர். அப்படி நயன்தாரா திருமண ஏற்பாடை இப்படி ஏகப்பட்ட பாதுகாப்புகளுடன் பிரம்மாண்டமாக செய்யப் போவது யார் என்பது குறித்த தகவல்கள் வெளியாகி உள்ளன.

கத்ரீனா கைஃப் திருமணம்

பாலிவுட் நடிகர் விக்கி கெளசல் மற்றும் நடிகை கத்ரீனா கைஃப் திருமணம் கடந்த ஆண்டு இறுதியில் டிசம்பர் 9ம் தேதி நடைபெற்றது. ராயல் வெட்டிங்காக இதே போல பக்கா செக்யூரிட்டியுடன் நடந்த அந்த திருமணத்தை நடத்திய அதே வெட்டிங் பிளானர் தான் நயன்தாரா மற்றும் விக்னேஷ் சிவன் திருமண ஏற்பாடுகளை கவனித்து வருகின்றனர்.

ஷாதி ஸ்குவாட்

ஷாதி ஸ்குவாட் எனும் மகாராஷ்ட்ராவை சேர்ந்த வெட்டிங் பிளானர் நிறுவனம் தான் நயன்தாரா - விக்னேஷ் சிவன் திருமணத்திற்கான ஏற்பாடுகளை செய்துள்ளனர். விராத் கோலி மற்றும் அனுஷ்கா ஷர்மாவின் திருமணம் உள்ளிட்ட பல பிரபலங்களின் திருமணங்களையும் இவர்கள் சிறப்பாக செய்துள்ளனர். கேத்ரீனா கைஃப் மற்றும் நயன்தாரா நெருங்கிய தோழிகள் என்பதால், சமீபத்தில் கத்ரீனா கைஃப் திருமணத்தை நடத்திய அதே வெட்டிங் பிளானரை நயன்தாரா தனது திருமணத்துக்கும் புக் செய்துள்ளார் எனக் கூறப்படுகிறது.