மாமியாருக்கு முத்தம் கொடுத்து வாழ்த்திய விக்னேஷ் சிவன்.. தீயாக பரவும் புகைப்படம்!

செகண்ட் ஹனிமூன் ஓவர்

நயன்தாராவை பல ஆண்டுகளாக காதலித்து வந்த இயக்குநர் விக்னேஷ் சிவன் இந்த ஆண்டு நட்சத்திரங்கள் பங்கேற்க திருமணம் செய்து கொண்டார். அதன் பின்னர், மனைவியுடன் ஜாலியாக தாய்லாந்துக்கு ஹனிமூன் ட்ரிப் சென்று வந்த விக்னேஷ் சிவன், சமீபத்தில் ஸ்பெயின் நாட்டில் உள்ள முக்கிய நகரங்களுக்கும் இரண்டாவது ஹனிமூன் சென்று வந்தார்.

நயன்தாரா அம்மா பிறந்தநாள்

நடிகை நயன்தாராவின் அம்மா ஓமண குரியன் பிறந்தநாள் விழாவை நயன்தாரா மற்றும் விக்னேஷ் சிவன் சென்னையில் உள்ள தங்கள் வீட்டில் கோலாகலமாக கொண்டாடி உள்ளனர். நயன்தாராவின் அம்மாவுக்கு பிறந்தநாள் வாழ்த்துக் கூறிய புகைப்படத்தை இயக்குநர் விக்னேஷ் சிவன் தனது இன்ஸ்டாகிராம் பக்கத்தில் ஷேர் செய்துள்ளார்.

மாமியாருக்கு முத்தம்

அந்த போஸ்ட்டில் தன்னுடைய இரண்டாவது அம்மாவான மாமியார் ஓமண குரியனுக்கு பிறந்தநாள் வாழ்த்துக்கள் என பதிவிட்ட விக்னேஷ் சிவன் அவரது நெற்றியில் அன்பு முத்தமிடும் புகைப்படத்தை பதிவிட்டு பிறந்தநாள் வாழ்த்துக்களையும் தெரிவித்துள்ளார். ஆனால், அருகே நயன்தாரா எங்கே பாஸ் என்றும் இந்த போட்டோவையே அவர் தான் எடுத்தாரா? என்றும் ரசிகர்கள் கேள்வி எழுப்பி வருகின்றனர்.

திருமணத்துக்கு வரவில்லை

விக்னேஷ் சிவன் - நயன்தாரா திருமணம் மகாபலிபுரத்தில் நடைபெற்றபோது நயன்தாராவின் அம்மா அதில் கலந்து கொள்ளவில்லை. திருமணத்தை முடித்துக் கொண்டு கொச்சிக்கு சென்று அம்மாவிடம் நயன்தாரா ஆசி வாங்கியதாக தகவல்கள் வெளியாகின. இந்நிலையில், மகனையும் மருமகளையும் காண நயன்தாரா அம்மா சென்னை வந்துள்ளது விக்னேஷ் சிவனின் போஸ்ட் மூலம் தெரிகிறது.

ரசிகர்கள் வாழ்த்து

நயன்தாராவின் அம்மா பிறந்தநாளுக்கு ஏகப்பட்ட ரசிகர்கள் வாழ்த்துக்களை தெரிவித்து வருகின்றனர். சமீபத்தில் நயன்தாரா நடித்த கனெக்ட் படத்தை பார்த்த அப்டேட்டை இயக்குநர் விக்னேஷ் சிவன் வெளியிட்டு இருந்தார். இந்நிலையில், விரைவில் அந்த படத்தின் ரிலீஸ் அப்டேட்டை சொல்லுங்க என ரசிகர்கள் கோரிக்கை வைத்து வருகின்றனர்.

ஏகே 62 எப்போ

ஏகே 61 படமே இன்னமும் எப்போ முடியும் என தெரியாத நிலையில், இயக்குநர் விக்னேஷ் சிவனின் போஸ்ட்டுக்கு கீழ் ஏகப்பட்ட ரசிகர்கள் ஏகே 62 படத்தின் அப்டேட்டை கேட்க ஆரம்பித்து விட்டனர். இந்த ஆண்டு இறுதிக்குள் ஏகே 61 படத்தின் படப்பிடிப்பு நிறைவடைந்தால், தை மாதத்திற்கு பிறகு ஏகே 62 படத்தை விக்னேஷ் சிவன் ஆரம்பிப்பார் என எதிர்பார்க்கப்படுகிறது.