நெஞ்சுக்கு நீதி டிரைலர் வரவேயில்லையே...மறுபடியும் ஏமாற்றிய போனி கபூர்

எதிர்பார்ப்பை ஏற்படுத்திய படம்

இந்தியில் 2019 ம் ஆண்டு ரிலீசான பிளாக்பஸ்டர் படமான ஆர்டிகிள் 15 படத்தின் தமிழ் ரீமேக் தான் நெஞ்சுக்கு நீதி. தமிழக முன்னாள் முதல்வரும், உதயநிதியின் தாத்தாவுமான மு.கருணாநிதி எழுதி நெஞ்சுக்கு நீதி என்ற புத்தகத்தின் டைட்டிலேயே உதயநிதி நடித்திருப்பதால் இந்த படத்திற்கு ரசிகர்களிடையே அதிக எதிர்பார்ப்பு ஏற்பட்டுள்ளது.

டிரைலர், பாடல் ரிலீஸ்

2021 ம் ஆண்டு டிசம்பர் மாதமே இந்த படத்தின் ஷுட்டிங் நிறைவடைந்ததாக அறிவிக்கப்பட்டது. போஸ்ட் ப்ரொடக்ஷன் வேலைகள் தீவிரமாக நடைபெற்று வரும் இந்த படம் 2022 ம்ஆண்டு மே 20 ம் தேதி தியேட்டர்களில் ரிலீஸ் செய்யப்பட உள்ளது. இந்நிலையில் இந்த படத்தின் டிரைலர் மற்றும் பாடல்கள் இன்று மாலை 6.30 மணிக்கு யூட்யூப் தளத்தில் வெளியிடப்படும் என அறிவிக்கப்பட்டிருந்தது.

கிளிம்ப்ஸ் வெளியிட்ட போனி கபூர்

இது தொடர்பாக தயாரிப்பாளர் போனி கபூரும் தனது ட்விட்டர் பக்கத்தில் கிளிம்ப்ஸ் வீடியோ ஒன்றை வெளியிட்டிருந்தார். இதனால் ரசிகர்கள் மிகுந்த ஆர்வமாக காத்திருந்தனர். சில மாதங்களுக்கு முன் வெளியிடப்பட்ட நெஞ்சுக்கு நீதி டீசர் ரசிகர்களிடம் நல்ல வரவேற்பை பெற்றதால், டிரைலரும் ரசிகர்களிடம் எதிர்பார்ப்பை தூண்டி இருந்தது.

இப்படி ஏமாற்றி விட்டாரே

ஆனால் ஒரு மணி நேரத்திற்கு மேல் ஆகியும் நெஞ்சுக்கு நீதி படத்தின் டிரைலர் வெளியாகாததால் ரசிகர்கள் மிகுந்த ஏமாற்றம் அடைந்தனர். இதனால் கடுப்பான ரசிகர்கள், போனி கபூருக்கு இதுவே வேலையாக போய் விட்டது. வலிமை படத்திற்கு தான் இப்படி செய்தார் என்றால் எல்லா படத்திற்கும் இப்படியே செய்கிறாரே. அஜித் பிறந்தநாளுக்கு ஏகே 61 அப்டேட் வெளியாகும் என எதிர்பார்க்க வைத்து ஏமாற்றினார். தற்போது நெஞ்சுக்கு நீதி டிரைலர் வரும் என அறிவித்து விட்டு இப்படி ஏமாற்றி விட்டாரே என புலம்பி வருகின்றனர்.

அட போங்கப்பா...கடுப்பான ரசிகர்கள்

அதே சமயம் நெஞ்சுக்கு நீதி டிரைலர், பிரைவேட்டாக வெளியிடப்பட்டதால் தான் ரசிகர்களுக்கு டிரைலர் லிங்க் ஓப்பன் ஆகவில்லை என கூறப்படுகிறது. விரைவில் அதிகாரப்பூர்வமாக டிரைலர் வெளியிடப்பட உள்ளதாக கூறப்படுகிறது. ஆனால் எப்போது வெளியிட போகிறார்கள் என்பது பற்றிய தகவல் வெளியாகவில்லை.