இரண்டு நாட்கள் முற்றிலும் இலவசம்… நெட்பிளிக்ஸின் அதிரடி சலுகை !

தமிழ் ரசிகர்களுக்கு

இந்த 2 நாட்களில் என்ன பார்ப்பது என தெரியாமல் இருக்கும் தமிழ் ரசிகர்களுக்கு Netflix-ல் பார்க்க வேண்டிய சிறந்த தமிழ் படங்களின் லிஸ்ட் இதோ!

அந்தகாரம், விசாரணை, மெட்ரோ, வஞ்சகர் உலகம், முரண், ஒத்த செருப்பு, தரமணி, மெஹந்தி சர்க்கஸ், சூப்பர் டீலக்ஸ், கருப்புதுரை, சில்லு கருப்பட்டி. இதில் சில படங்கள் பெரிதாக பேசப்படாமல் போனாலும் பார்ப்பவர்களுக்கு நல்ல திரைப்படத்தை பார்த்த உணர்வை தர கூடிய படங்கள் ஆகும்.

தமிழ் சினிமா ரசிகர்களுக்கு

தெலுங்கு படங்களை விரும்பி பார்க்கும் தமிழ் ரசிகர்களுக்கு Netflix-ல் பார்க்க வேண்டிய சிறந்த தெலுங்கு படங்களின் லிஸ்ட் இதோ! பீஷ்மா, C/O கஞ்சரபலேம், அவ், நா பங்காரு தள்ளி, கிருஷ்ணா அண்ட் ஹிஸ் லீலா. இந்த படங்கள் தெலுங்கு மட்டுமின்றி தென்னிந்திய ரசிகர்களிடமும் நல்ல வரவேற்பை பெற்றது குறிப்பிடத்தக்கது.

பார்க்க வேண்டிய படங்கள்

உலக சினிமா விரும்பிகளுக்கு இந்த சலுகை கண்டிப்பாக மிக பெரிய விருந்தாக இருக்கும். அவர்களுக்கான லிஸ்ட் இதோ! Bird Box, Project X, Schlinder's List, Arrival, Hush, Upgrade,6 Underground, The Invisible Guest, In The Shadow Of The Moon ஆகிய படங்கள் உலக சினிமா ரசிகர்கள் Netflix-ல் பார்க்க வேண்டிய முக்கியமான படங்கள் ஆகும்.

டஃப் கொடுக்கும் Netflix

நெட்பிளிக்ஸ் போன்று உலகமெங்கும் பல OTT தளங்கள் உள்ளன. எடுத்துக்காட்டுக்கு இந்திய அளவில் அமேசான் ப்ரைம், ஹாட் ஸ்டார் போன்ற முன்னனி OTT தளங்கள் உள்ளன. அவர்களே வியந்து பார்க்கும் வகையில் சலுகையை கொடுத்து நெட்பிளிக்ஸ் தனது தனித்தன்மையை காட்டுகிறது.

மற்றொரு முக்கிய அறிவிப்பு

எதிர்பாத்ததை விட அதிக வரவேற்பு இருந்ததால் பலருக்கு சலுகை கிடைக்காமல் போனது. அவர்களுக்கு இந்த வாரத்தில் ஏதேனும் 2 நாட்களில் அந்த சலுகை கிடைக்கும் வகையில் ஏற்பாடு செய்துள்ளதாக நெட்பிளிக்ஸ் நிறுவனம் தெரிவித்துள்ளது.