என்ன கோபால் இதெல்லாம்..எல்லாமே டூப்பா?பாவம்யா அந்த மனுஷன்.. அஜித்தை கிண்டலடிக்கும் நெட்டிசன்ஸ்!

துணிவு

துணிவு திரைப்படத்தில் அசுரன் படத்தில் தனுஷூக்கு ஜோடியாக நடித்த நடிகை மஞ்சு வாரியர் முக்கிய கதாபாத்திரத்தில் நடிக்கிறார். சார்பட்டா பரம்பரை படத்தில் வேம்புலி கதாபாத்திரத்தில் நடித்த ஜான் கொக்கன் இந்த படத்திலும் நடித்து வருகிறார். மேலும், பிக் பாஸ் நிகழ்ச்சியின் மூலம் பிரபலமான பாவனி, அமீர் மற்றும் சிபி ஆகியோர் நடித்துள்ளனர்.

பொங்கலுக்கு ரிலீஸ்

ஹைதராபாத், சென்னை, விசாகப்பட்டினம், பேங்காக்கில் இப்படத்தின் படப்பிடிப்பு நடந்து முடிந்த நிலையில், இப்படத்தை பொங்கல் வெளியீடாக ரிலீஸ் செய்ய திட்டமிட்டுள்ளது படக்குழு. உதயநிதியின் ரெட் ஜெயண்ட் மூவீஸ் நிறுவனம் துணிவு படத்தின் தமிழக வெளியீட்டு உரிமையை கைப்பற்றியுள்ளது.

எல்லாமே டூப்பா?

இந்நிலையில், துணிவு படப்பிடிப்பு தளத்தில் இருந்து நடிகர் அஜித்திற்கு டூப்போட்ட நபருடன் எடுத்துக்கொண்ட புகைப்படம் வெளியாகி உள்ளது. அந்த புகைப்படத்தை பார்த்த ரசிகர்கள் அஜித்தை கிண்டலடிக்கும் வகையில், மெரினா படத்தில் சிவகார்த்திகேயன் ஓவியாவின் மனதில் இடம் பிடிக்க, டூப் போட்டு பைக்கில் வீலிங் செய்து காட்டுவார். கடைசியில், தானே வீலிங் செய்தது போல சீன் போடுவார். இந்த வீடியோவை அந்த படத்துடன் எடிட் செய்து கிண்டலடித்து வருகின்றனர்.

எங்க தல முடிவு பண்ணிட்டாரு

ஒரு பக்கம் நெட்டிசன்கள் இவரை கிண்டலடித்து வர, அஜித்தின் தீவிர வெறியர்கள், விஜய் கூட மோத டூப் போதுன்னு எங்க தல முடிவு பண்ணிட்டாரு ப்ரோ என்றும், அவர் ரியல் ரேசர் என்பதை மறந்துடாதீங்க என்று இணையத்தில் ரசிகர்கள் மாறி மாறி கருத்துக்களை ஷேர் செய்து வருகின்றனர்.

வருத்தத்தில் ரசிகர்கள்

அண்மையில் துணிவு திரைப்படத்தின் படப்பிடிப்பு சென்னையில் நடைபெற்றது. இதில் அசோக் லேலண்ட் வாகனத்தின் மீது முகமூடி அணிந்து கொண்டு அஜித்தும், அவர் அருகில் மஞ்சு வாரியரும் அமர்ந்து இருப்பது போல படப்பிடிப்பு நடைபெற்றது. இதனால், அஜித்தை காண ரசிகர்கள் கால் கடுக்க காத்திருந்தார்கள் பின்னர் தான் அது அஜித் இல்லை டூப்பு என தெரிந்து ரசிகர்கள் வருத்தத்துடன் களைந்து சென்றனர்.