பாவ்னிக்காக வரிந்து கட்டி, ரகளை செய்யும் பிரியங்கா... வச்சு செய்யும் நெட்டிசன்கள்

குறுக்கே பாய்ந்து கத்தும் பிரியங்கா

ஏன் குளிக்க வேண்டும் என அவசரப்படுத்துகிறீர்கள், கழிவறை காலியாக இல்லை என ராஜு, சிபி ஆகியோர் பாவ்னியிடம் பேசிக் கொண்டிருக்கையில் அவர்களை பேச விடாமல், பாவ்னி செல்வது எல்லாம் சரி என்பதை போலவும், மற்றவர்கள் கேள்வி கேட்பது, பேசுவது தவறு என்பதை போலவும் இடைவிடாமல் பேசி கத்துகிறார் பிரியங்கா.

அண்ணாச்சி – பிரியங்கா விவாதம்

அப்போது அனைவரிடமும் பொதுவாக பேசி, பிரச்சனையை முடித்து வைக்க வரும் இமான் அண்ணாச்சியிடமும், இதை எதற்காக சொன்னீர்கள். இதற்கு என்ன அர்த்தம். நான் என்ன செய்தேன் என சொல்லுங்கள் என கத்தி விவாதம் செய்கிறார். பாவ்னியிடம் யார் என்ன கருத்தை சொல்ல வந்தாலும் பிரியங்கா இடையில் புகுந்து கத்தி, ஆர்ப்பாட்டம் செய்து, பாவ்னிக்காக மற்றவர்களிடம் சண்டைக்கு போகிறார்.

என்னை குறி வைக்கிறீர்கள்

வேண்டுமென்றே என்னை குறி வைத்து அனைவரும் தாக்குகிறீர்கள் என பிரியங்கா குற்றம்சாட்டுகிறார். அண்ணாச்சி சமாதானமாக சொல்லவந்ததையும் கேட்க விடாமல் பிரியங்கா கத்தியதால், டென்சாகும் பாவ்னி, அண்ணாச்சியிடம் வாக்குவாதம் செய்கிறார். உனக்கு புரியவைப்பதற்குள் என்னை கீழ்ப்பாக்கத்திற்கு கொண்டு பேச வேண்டும் என நக்கலாக பாவ்னியிடம் சொல்கிறார் அண்ணாச்சி. அதையும் பிரச்சனையாக்குகிறார் பாவ்னி.

கொளுத்தி போட்ட பிரியங்கா

கொளுத்தி போட்டதுடன், எல்லா விஷயத்திலும் மூக்கை நுழைக்காதே என அண்ணாச்சி கூறியதையும் பிரச்சனையாக்குவதை பார்த்த நெட்டிசன்கள், எதற்காக பிரியங்கா சம்பந்தமே இல்லாமல் எல்லா விஷயத்திற்கும் கத்துகிறார். ஓவராக ரியாக்ட் செய்கிறார். பிரியங்காவை முதலில் வெளியே அனுப்புங்கள் என கூறி வருகின்றனர்.

எரிச்சலடையும் நெட்டிசன்கள்

கடந்த ஒரு வாரமாக பாவ்னியிடம் பிரியங்கா அதிகமாக நெருக்கம் காட்டுவதும், அவரை யாராவது ஏதாவது சொன்னால் முதல் ஆளாக பாவ்னிக்காக சண்டைக்கு போகிறார். ஏன் இந்த திடீர் பாசம். இது பிரியங்காவின் கேம் ஸ்டாட்டர்ஜியா. பிரியங்காவின் நடவடிக்கை எரிச்சலடைய வைக்கிறது. பிக்பாஸ் நிகழ்ச்சி பார்க்கும் ஆர்வமே போகிறது என பலவிதங்களில் வறுத்தெடுத்து வருகின்றனர்.