வெள்ளிக்கிழமையான போதும் ஞானோதயம் வந்திடும்.. அது தான் பாலா ஸ்ட்ராட்டஜி.. இந்த வாரம் சிக்குவாரா?

வாரத்தின் தொடக்கத்தில்

பிக் பாஸ் வீட்டில் வாரத்தின் தொடக்கத்தில் சண்டை கோழியாக சீறுவதும், எப்படி ஆரியை வீட்டை விட்டு வெளியேற்றுவது. ரியோவின் அன்பு டீமை காலி பண்ணுவது என பக்காவாக பிளான் போட்டு நரி முகத்தை அப்படியே காட்டுவார் பாலாஜி முருகதாஸ்.

வெள்ளிக்கிழமையான போதும்

ஆனால், வெள்ளிக்கிழமையான போதும், அப்படியே ஞானோதயம் பிறந்து அப்படியே நல்லவன் வல்லவன் ரேஞ்சுக்கு மாறிவிடுவார் பாலாஜி முருகதாஸ். கிறிஸ்துமஸ் தின எபிசோடிலும் ரியோ, ஆஜீத், ஷிவானி எல்லாம் பிரியாணியையும், லெக் பீஸையும் வச்சு ஒரு பக்கம் வெளுத்துக் கட்டிக் கொண்டிருக்கும் நிலையில், மறுபக்கம் ஏசுவாகவே மாறி பாலா பேசிய பேச்சு ஷப்பா முடியவில்லை.

கத்துக்கிட்டு கால வாருவேன்

வெள்ளிக்கிழமை ஆனால், போதும் ஆரி அண்ணாவிடம் அதை கற்றுக் கொண்டேன், ரியோ பிரதரிடம் இதை கற்றுக் கொண்டேன், ரம்யா சிறந்த போட்டியாளர், ஷிவானிக்கும் ஸ்கோர் போடுவேன், ஆஜீத்திடமும் ஐஸ் வைப்பேன் என இன்றைக்கு கொஞ்சம் மப்பு ஓவர் ஆகிடுச்சு போல, கத்துக்கிறேன் என பேசிய பாலாவை பார்த்து நெட்டிசன்கள், திங்கட் கிழமை கால வாரத்தானே என பங்கம் செய்து வருகின்றனர்.

உடம்பு முழுக்க பொய்

பிக் பாஸ் நிகழ்ச்சியில் கலந்து கொண்டது முதல் இதுவரை பாலாஜி முருகதாஸ் பேசுவது எல்லாமே பொய் என்றும் அவரது உடம்பு முழுக்க பொய் தாண்டவம் ஆடுகிறது என்றும் நெட்டிசன்கள் சமூக வலைதளத்தில் கிழித்து தொங்கவிட்டு டோட்டல் டேமேஜ் செய்து வருகின்றனர்.

கமலிடம் பாராட்டு வாங்க

திங்கள் முதல் வியாழன் வரை அடாவடி பண்ணி, ஏளனமாக பேசி விட்டு ஆட்டிட்யூட் காட்டிவிட்டுத் திரியும் பயில்வான் பாலா, சனிக்கிழமை கமல் சார் எபிசோடு இருப்பதால், அப்படியே நல்லவனாக வெள்ளிக் கிழமையே மாறி நடித்து மற்றவர்களிடம் மன்னிப்பு கேட்டு கமலிடம் பாராட்டையும் வாங்கி வருகிறார்.

சுதாரிப்பாரா கமல்

கடந்த வாரமும் ஆரி மற்றும் ரியோவிடம் மன்னிப்பு கேட்ட பாலாவை கமல் பாராட்டிய அடுத்த நொடியே, ஆரியை சீண்டி வம்பிழுத்து பேசி பாலா பண்ண அட்டகாசத்தை ரசிகர்கள் ஒருபோதும் மறக்க மாட்டார்கள். இந்த வாரமாவது கமல் சார் பார்த்து பாலாவை சுளுக்கெடுக்க வேண்டும் என்பதே ரசிகர்களின் கோரிக்கை.