அஜித்துக்கு பிடிச்ச அந்த சீனையே வைக்கலயா.. துணிவு இயக்குநரை துவைத்து எடுக்கும் நெட்டிசன்கள்!

வினோத் கதை எது

அப்போ உண்மையாகவே அஜித்துக்காக ஹெச். வினோத் உருவாக்கிய அந்த கதை தான் எது? என்கிற கேள்வியை நெட்டிசன்கள் எழுப்பி ஒரு பக்கம் ட்ரோல் செய்து வருகின்றனர். ஒவ்வொரு படம் வெளியாவதற்கு முன்பாக ஹெச். வினோத் சொல்லும் புதிய கதை நன்றாக இருக்கிறதே என்றும் கலாய்த்து வருகின்றனர்.

துணிவு ஓகே ஆக காரணம்

துணிவு படத்தின் மொத்த கதையையும் நடிகர் அஜித் கேட்கவில்லை என்றும் அவருக்கு நான் சொன்ன ஒரு காட்சி பிடித்துப் போக படமாக பண்ணலாம் எனக் கூறிவிட்டார். ஆனால், துரதிர்ஷ்ட வசமாக அஜித்துக்கு பிடித்த அந்த காட்சி படத்தில் இடம்பெறாமல் போய் விட்டது என இயக்குநர் ஹெச். வினோத் அளித்துள்ள பேட்டி ரசிகர்களை அதிர்ச்சியில் ஆழ்த்தி உள்ளது.

ஹெச். வினோத் செய்கை

நேர்கொண்ட பார்வை தயாரிப்பாளர் போனி கபூரின் படமாக வந்தது. வலிமை படம் முழுக்க முழுக்க அஜித்தின் படமாக வந்த நிலையில், இந்த துணிவு படத்தில் அஜித்துக்கு பிடித்த அந்த காட்சியையும் ஹெச். வினோத் தூக்கி விட்ட நிலையில், இது முழுக்க இயக்குநர் படமாக வந்திருக்கும் என்றும் ஹெச். வினோத் தரமான செய்கை செய்ய காத்திருக்கிறார் என அஜித் ரசிகர்கள் கொண்டாடி வருகின்றனர்.

அந்த சீனே இல்லையா

அதே சமயம் அஜித்துக்கு பிடித்து துணிவு படம் எடுக்க காரணமாக இருந்த அந்த காட்சியையே இயக்குநர் ஹெச். வினோத் படத்தில் இருந்து எப்படி நீக்கலாம். அஜித்துக்கான மரியாதையை அவர் கொடுக்கவில்லை என படம் வரட்டும் ஏதாவது மிஸ் ஆனால் ஹெச். வினோத் அவ்வளவு தான் என நெட்டிசன்கள் கடுமையாக விமர்சித்து வருகின்றனர்.

டிசம்பர் 9

பொங்கலுக்கு வெளியாக உள்ள விஜய்யின் வாரிசு படத்தில் இருந்து ரஞ்சிதமே மற்றும் தீ தளபதி ஆகிய இரு பாடல்கள் வெளியான நிலையில், அஜித்தின் துணிவு படத்தின் ஃபர்ஸ்ட் சிங்கிளான 'சில்லா சில்லா' பாடல் வரும் டிசம்பர் 9ம் தேதி வெளியாகி இணையத்தை ஆட்சி செய்ய காத்திருக்கிறது. வாரிசு படத்தின் ஃபர்ஸ்ட் சிங்கிள் சாதனையை சில்லா சில்லா பாடல் முறியடிக்க வேண்டும் என அஜித் ரசிகர்கள் அதற்கான வேலைகளில் ரசிகர்களை சோஷியல் மீடியாவில் ஒன்று திரட்டி வருகின்றனர்.