என்னது...மங்காத்தா 2 எடுக்க போறாரா விக்னேஷ் சிவன்...கலாய்க்கும் நெட்டிசன்கள்

ஏகே 62 கதை பற்றி சொல்லுங்க

இந்த சமயத்தில் காத்துவாக்குல ரெண்டு காதல் ப்ரொமோஷனுக்காக சமீபத்தில் ட்விட்டர் ஸ்பேசில் பேசிய விக்னேஷ் சிவனிடம், அஜித் ரசிகர் ஒருவர் ஏகே 62 கதை பற்றி கேட்டுள்ளார். அதற்கு பதிலளித்த விக்கி, இந்த கதைக்காக நான் 3 ஆண்டுகள் கடுமையாக உழைத்துள்ளேன். நிச்சயம் அனைவருக்கும் பிடித்த படமாக இருக்கும் என கூறி இருந்தார். இதனால் ரசிகர்கள் குஷியாகினர்.

இதை டிரை பண்ண போறேன்

இதைத் தொடர்ந்து சமீபத்தில் பேட்டி ஒன்றில் பேசிய விக்னேஷ் சிவன், வாலி மற்றும் மங்காத்தா படங்களில் அஜித்தின் நடிப்பு எனக்கு மிகவும் பிடித்திருந்தது. குறிப்பாக மங்காத்தா படத்தில் இன்டர்வெல் சீனில் அஜித் செஸ் காயின்களை வைத்த படி பிளான் போட்டு, கடைசியில் வில்லன் டைப்பில் சிரித்து இருப்பாரே அந்த சீன் எனக்கு ரொம்ப பிடிக்கும். அந்த மாதிரி ஒன்றை ஏகே 62 படத்தில் ட்ரை பண்ணலாம் என இருக்கிறேன் என கூறி உள்ளார்.

மங்காத்தா 2 எடுக்க போறாரா

இதை கேட்ட நெட்டிசன்கள், உங்க கிட்ட ஏகே 62 படத்தை எடுக்க சொன்னா, மங்காத்தா 2 எடுக்க போறது போல பேசிக்கிட்டு இருக்கீங்க. நிஜமாவே மங்காத்தா 2 தான் எடுக்க போறீங்களா. கண்டிப்பா படம் பிளாஃப். ஏதுக்கும் ஏகே 62 படத்திற்கு அஜித் வேற டைரக்டர யோசிக்கிறது நல்லது என கலாய்த்து வருகின்றனர். இன்னும் சிலர், என்ன ப்ரோ...பீஸ்ட் படம் சொதப்பினதால தலைவர், நெல்சனை மாத்த நினைச்சது போல காத்துவாக்குல காதல் படத்தை பார்த்துட்டு அஜித்தும் அதே முடிவுக்கு வந்திருக்காராமே. அது என்னன்னு கேளுங்க என கூறி உள்ளனர்.

செம பிளான்ல இருக்காங்க

அஜித் தற்போது ஏகே 61 படத்தின் ஷுட்டிங்கிற்காக ஐதராபாத்தில் உள்ளார். ஜுலை மாதத்திற்கு முன் ஏகே 61 படத்தை முடிக்க வேண்டு என போனி கபூர் சொல்லி விட்டதால் படு சுறுசுறுப்பாக ஷுட்டிங் நடந்து வருகிறதாம். இதை முடித்த கையோடு ஏகே 62 படத்திலும் நடித்து முடிக்க அஜித் பிளான் செய்துள்ளாராம். அதனால் ஜுன் மாதத்தில் கல்யாணத்தை முடித்து விட்டு, ஏகே 62 ப்ரீ ப்ரொடக்ஷன் வேலைகளை துவக்க விக்னேஷ் சிவனும் முடிவு செய்திருக்கிறாராம்.