அடுத்த வாரம் வியாழக்கிழமை இந்நேரம்லாம் தியேட்டர்கள் எப்படி தெறிக்கப்போகுதோ.. வலிமை புதிய புரமோ!

அடுத்த வியாழக்கிழமை

கடந்த இரு ஆண்டுகளாக அஜித் ரசிகர்கள் இந்த நாளுக்காகத் தான் காத்திருக்கின்றனர். அடுத்த வியாழக்கிழமை வலிமை திருநாளாக திரையரங்குகள் திருவிழா கோலம் காணப் போகின்றன என தயாரிப்பாளர் போனி கபூர் புதிய புரமோ வீடியோ ஒன்றை ஷேர் செய்து அஜித் ரசிகர்களை திக்குமுக்காட செய்துள்ளார்.

காலை 4 மணிக்கே

அதிகாலை 4 மணிக்கே வலிமை FDFS காட்சிகள் ஆரம்பமாக போகவுள்ள நிலையில், முதல் நாளில் வலிமை படத்தின் வசூல் வேறமாறி இருக்கும் என எதிர்பார்க்கப்படுகிறது. இதுவரை தமிழ் சினிமாவில் வெளியான எந்தவொரு படங்களும் படைக்காத பாக்ஸ் ஆபிஸ் சாதனையை வலிமை படைக்குமா? என்கிற கேள்வி ஒட்டுமொத்த சினிமா பிரபலங்கள் மத்தியிலும் எழுந்துள்ளன.

தெறிக்கவிடும் ஸ்டன்ட்

வலிமை படத்தில் மிகவும் முக்கியமாக அந்த பேட்ரோல் வண்டி சேஸிங் சீன் தான் இருக்கும் என தெரிகிறது. ஒவ்வொரு புரமோவிலும் அதன் அட்டகாசமான ஸ்டன்ட் காட்சிகளை புரமோவாக போட்டு வலிமை படக்குழு ரசிகர்களின் எதிர்பார்ப்பை இன்னும் அதிகமாக அதிகரித்து வருகிறது.

இது போதும் போனி கபூர்

வலிமை அப்டேட்டை சரியாக கொடுக்கவில்லை என்றும் அதற்கான புரமோஷனை சரியாக பண்ணவில்லை என்றும் தயாரிப்பாளர் போனி கபூரை இதுவரை எல்லை மீறி திட்டி வந்த அஜித் ரசிகர்கள் எல்லாம் இப்போது அவர் அடுத்தடுத்து மூச்சுத் திணற திணற கொடுத்து வரும் அப்டேட்களால் திக்குமுக்காடி போயுள்ளனர்.

Recommended Video

Ajith Sir இதை சொல்லும்போது வெக்கமா வரும் !Valimai Villain First Exclusive Tamil Interview

ரன் டைம்

வலிமை திரைப்படத்தின் சென்சார் சர்டிபிகேட் ஸ்க்ரீன் ஷாட்டும் சமூக வலைதளங்களில் டிரெண்டாகி வருகின்றன. ஒட்டுமொத்தமாக வலிமை திரைப்படம் 2 மணி நேரம் 58 நிமிடங்கள் ரன் டைமை கொண்டிருக்கின்றன. அதில், அந்த பேட்ரோல் வண்டி சேஸிங் சீன் மட்டும் 4.22 நிமிடங்கள் உள்ளதாம்.

300 கோடி வசூல் வருமா?

பான் இந்திய படமாக தமிழ், தெலுங்கு, இந்தி மற்றும் கன்னடம் உள்ளிட்ட 4 மொழிகளில் வரும் பிப்ரவரி 24ம் தேதி வெளியாக உள்ள அஜித் குமாரின் வலிமை திரைப்படம் ப்ரீ பிசினஸே 300 கோடியை தாண்டியுள்ளதாக தகவல்கள் வெளியாகி உள்ள நிலையில், படத்தின் நிஜ வசூல் 300 கோடியை நிச்சயம் கடக்கும் என்றும் எதிர்பார்க்கப்பட்டு வருகிறது.