தீபாவளி ரேஸ்: கமலுடன் நேரடியாக மோதும் அஜீத்?

தீபாவளி ரேஸ்

இந்த வருடத் தீபாவளி தினத்தில் கமலின் தூங்காவனம், அஜீத்தின் தல 56, தனுஷின் வேலை இல்லாப் பட்டதாரி 2 ஆகிய திரைப் படங்கள் நேரடியாக மோதவிருக்கின்றன. இந்த ரேஸில் தனது தூங்காவனம் திரைப்படத்தின் மூலம் 4 நாட்களுக்கு முன்பாகவே களத்தில் குதிக்கிறார் கமல்.

கமல் vs அஜீத்

இந்தப் பந்தயத்தில் தற்போது நடிகர் அஜித்தும் தனது தல 56 படத்தின் மூலம் கலந்து கொள்ளுகிறார்.மேலும் நடிகர் கமலின் தூங்காவனம் திரைப்படத்துடன் தல 56 திரைப்படமும் முன்பாகவே வெளியாகிறது.

தல 56

அஜீத்தின் தல 56 திரைப்படம் நவம்பர் 6 ம் தேதியன்று வெளியாகவிருப்பதாக தகவல்கள் கூறுகின்றன. அஜீத் மற்றும் படத்தின் தயாரிப்பாளர் ஏ.எம்.ரத்னம் இருவருமே சாய் பாபாவின் தீவிர பக்தர்கள் என்பதால் வியாழக்கிழமை அன்று படத்தை வெளியிட விருப்பம் கொண்டிருப்பதாக கூறுகின்றனர். 5 தினங்கல் முன்பாகவே வெளியாவதால் வசூலும் கணிசமாக அதிகரிக்கும் என்பதால் தீபாவளி தினத்திற்கு முன்பாகவே படத்தை வெளியிடவிருக்கின்றனர்.

தனியாக வரும் தனுஷ்

பெரிய நடிகர்கள் இருவரும் முன்பாகவே தங்கள் படங்களை வெளியிடுவதால் தீபாவளி பந்தயத்தில் தனியாக கலந்து கொள்கிறார் தனுஷ். தனுஷின் வேலை இல்லாப் பட்டதாரி 2 திரைப்படம் தீபாவளியன்று வெளியாகவிருக்கிறது.

கடைசி நேரத்தில்

இந்த கமலின் தூங்காவனம், அஜீத்தின் தல 56, தனுஷின் வேலை இல்லாப் பட்டதாரி 2 இந்த 3 படங்களுடன் மேலும் சில படங்களும் கடைசி நேரத்தில் போட்டியில் கலந்து கொள்ளலாம் என்று எதிர்பார்க்கப்படுகிறது.

தீபாவளிக்கு பட்டாசு கொளுத்தப்போவது யார்? என்று பார்க்கலாம்.