விக்ரம் குடும்பத்திலிருந்து மேலும் ஒரு ஹீரோ.. வைரலாகும் போட்டோ!

துருவ்

பாலா இயக்கத்தில் 'வர்மா' படத்தில் விக்ரமின் மகன் துருவ் ஹீரோவாக அறிமுகமாகி நடித்து வருகிறார். இந்தப் படம் தெலுங்கில் வெளியாகி வெற்றி பெற்ற 'அர்ஜுன் ரெட்டி' படத்தின் ரீமேக்காகும். தற்போது இந்தப் படத்தின் ஷூட்டிங் நேபாளத்தில் நடைபெற்று வருகிறது.

அர்ஜுமன்

இந்நிலையில், நடிகர் விக்ரம் தங்கை மகன் அர்ஜுமன், இன்னும் பெயரிடப்படாத புதிய படம் ஒன்றின் மூலம் தமிழ் சினிமாவில் அறிமுகமாக இருக்கிறார். தற்போது அர்ஜுமனின் புகைப்படங்கள் சமூக வலைதளங்களில் வெளியாகியுள்ளன.

நடிப்பு கற்றவர்

சினிமா பள்ளியில் நடிப்புக் கலையை முறையே பயின்றுள்ள அர்ஜுமனுக்கு சிறு வயது முதலே நடிப்பின் மேல் உள்ள ஈர்ப்பால் கதாநாயகனாக வேண்டும் என்ற ஆசை இருந்துள்ளது. தற்போது குடும்பத்தினரின் ஆதரவோடு கலையுலகத்திற்கு அறிமுகமாகிறார் அர்ஜுமன்.

நடிப்புக் குடும்பம்

பல படங்களில் நடித்து அனைவரின் அபிமானத்தையும் பெற்ற நடிகர் விக்ரமின் குடும்பத்திலிருந்து மேலும் ஒரு புதிய கதாநாயகன் அறிமுகமாகவுள்ளது அவரது ரசிகர்களுக்கும் மகிழ்ச்சியை ஏற்படுத்தியுள்ளது. விக்ரமின் அப்பா விக்டரும் நடிகராக படங்களில் நடித்து சமீபத்தில் தான் காலமானது குறிப்பிடத்தக்கது.