For Quick Alerts
    ALLOW NOTIFICATIONS  
    For Daily Alerts

    ரஞ்சித்தின் நட்சத்திரம் நகர்கிறது ட்ரெய்லர் அப்டேட்: போஸ்டர்லயே செம்மையான டீட்டெய்ல் இருக்குதே

    |

    சென்னை: கோலிவுட்டின் திறமையான இயக்குநர்களின் பட்டியலில் பா' ரஞ்சித்துக்கு கண்டிப்பாக இடம் உண்டு.

    அட்டகத்தி படத்தில் தொடங்கிய ரஞ்சித்தின் பயணம் பத்தாண்டுகளில் பிரமாண்டமாக உருவெடுத்துள்ளது.

    தற்போது அவர் இயக்கியுள்ள நட்சத்திரம் நகர்கிறது' படத்துக்கு அதிக எதிர்பார்ப்பு காணப்படுகிறது.

    அட்டக் கத்தி முதல் சார்பட்டா பரம்பரை வரை… 10 ஆண்டுகளில் இயக்குநர் பா. ரஞ்சித் நிகழ்த்திய ராஜபாட்டைஅட்டக் கத்தி முதல் சார்பட்டா பரம்பரை வரை… 10 ஆண்டுகளில் இயக்குநர் பா. ரஞ்சித் நிகழ்த்திய ராஜபாட்டை

    தமிழ் சினிமாவின் நம்பிக்கை நட்சத்திரம்

    தமிழ் சினிமாவின் நம்பிக்கை நட்சத்திரம்

    2012ல் அட்டக்கத்தி படம் வெளியான போது ரஞ்சித் குறித்து பலரும் அறிந்திருக்க வாய்ப்பில்லை. ஆனாலும் 'அட்டக்கத்தி' படத்திற்கு சிறப்பான வரவேற்பு கிடைத்திருந்தது. அதனைத் தொடர்ந்து அவர் இயக்கிய 'மெட்ராஸ்' திரைப்படம், ரஞ்சித்துக்கு வேறலெவலில் ரீச் கொடுத்தது. கார்த்தி, கலையரசன் உள்ளிட்ட பலர் இப்படத்தில் நடித்திருந்தனர். அரசியலை பின்னணியாகக் கொண்டு உருவாகியிருந்தது.

    ரஜினியுடன் கபாலி, காலா

    ரஜினியுடன் கபாலி, காலா

    முதல் இரண்டு படங்களிலேயே பலரது கவனத்தையும் ஈர்த்த ரஞ்சித், மூன்றாவதாக சூப்பர் ஸ்டார் ரஜினியுடன் இணைந்தார். மொத்த திரையுலகமும் இந்தக் கூட்டணியை உற்றுநோக்கியது. ஆனால், 'கபாலி' படம் வெளியான பிறகு, ரஞ்சித் மீதான பார்வை இன்னும் உச்சம் தொட்டது. அடுத்தும் அவர் ரஜினியை வைத்து இயக்கிய 'காலா' திரைப்படம், புதி அதிர்வுகளை ஏற்படுத்தியது. இரண்டு படங்களிலும் ரஞ்சித் தான் பேச நினைத்த அரசியலை துணிச்சலாக பேசியிருந்தார்.

    சம்பவம் செய்த சார்பட்டா பரம்பரை

    சம்பவம் செய்த சார்பட்டா பரம்பரை

    ரஞ்சித் இயக்கிய முதல் 4 படங்களுமே விமர்சன ரீதியாகவும், வசூல் ரீதியாகவும் நல்ல வரவேற்பை பெற்றது. இதனையடுத்து ஆர்யா நடிப்பில் அவர் இயக்கிய சார்பட்டா பரம்பரை, இன்னொரு மாஸ்டர் பீஸாக அமைந்தது. 1980களில் சென்னையின் அடையாளமாக இருந்த குத்துச் சண்டையை பின்னணியாகக் கொண்டு உருவாகியிருந்த, இப்படத்திற்கு தாறுமாறான வரவேற்பு கிடைத்தது. அதுமட்டும் இல்லாமல் 'சார்பட்டா பரம்பரை' படத்துடன், ரஞ்சித் - சந்தோஷ் நாராயணன் கூட்டணியும் முடிவுக்கு வந்தது.

    நட்சத்திரம் நகர்கிறது

    நட்சத்திரம் நகர்கிறது

    'சார்பட்டா பரம்பரை' படத்தைத் தொடர்ந்து ரஞ்சித் 'நட்சத்திரம் நகர்கிறது' என்ற படத்தை இயக்கியுள்ளார். இப்படத்தில், காளிதாஸ் ஜெயராம், கலையரசன், துஷாரா விஜயன் உள்ளிட்ட பலர் நடித்துள்ளனர். 'நட்சத்திரம் நகர்கிறது' வரும் 31ம் தேதி திரையரங்குகளில் வெளியாகிறது. இந்நிலையில், இந்தப் படத்தின் ட்ரெய்லர் நாளை வெளியாகும் என, ரஞ்சித் அறிவித்துள்ளார். இதற்காக வெளியிடப்பட்ட போஸ்டரில், நடிகர், நடிகை புகைப்படங்கள் இல்லாமல் வித்தியாசமாக உள்ளது. ஏற்கனவே இந்தப் படம் தன்பாலின ஈர்ப்பாளர்கள் குறித்த படம் என சொல்லப்படும் நிலையில், தற்போது வெளியான போஸ்டரும் அதை உறுதிப்படுத்தும் விதமாக காணப்படுகிறது.

    English summary
    Pa. Ranjith 'Natchathiram Nagargirathu' film is releasing on 31st August. The film team has announced that the trailer will be released tomorrow ( பா. ரஞ்சித் இயக்கியுள்ள ‘நட்சத்திரம் நகர்கிறது’ படம் ஆகஸ்ட் 31ம் தேதி வெளியாகிறது. இந்தப் படத்தின் ட்ரெய்லர் நாளை வெளியாகும் என படக்குழு அறிவித்துள்ளது )
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X