விஷாலுடன் இணையும் பாண்டிராஜ்

ஹைக்கூ படத்தை முடித்துவிட்ட பாண்டிராஜ் அடுத்து விஷாலுடன் இணைகிறார்.

பசங்க படத்துக்குப் பிறகு பரபரவென படங்களை இயக்கிக் கொண்டிருந்த பாண்டிராஜ், சிம்புவின் இது நம்ம ஆளு படத்தில் சிக்கினார். அந்தப் படம் இன்னமும் வருமா வராதா என்ற இழுபறியில் கிடக்கிறது.

சரி, இந்தப் படம் வேலைக்காகாது என முடிவெடுத்த பாண்டி, அடுத்தடுத்த படங்களை இயக்கப் போய்விட்டார்.

சூர்யாவின் தயாரிப்பு மற்றும் நடிப்பில் ஹைக்கூ படத்தை விறுவிறுவென எடுத்து முடித்துவிட்ட பாண்டிராஜ், அடுத்து விஷாலின் சொந்தப் படத்தை இயக்குகிறார்.

இந்தப் படத்துக்கு இன்னும் தலைப்பிடவில்லை.

விஷால் ஏற்கெனவே சுசீந்திரன் இயக்கத்தில் பாயும்புலி படத்தில் நடித்துக் கொண்டுள்ளார்.