தளபதி 65-ஐ இயக்குகிறாரா பார்த்திபன்? ரசிகர் கேட்ட கேள்வி.. நினைப்பது நடக்கும்.. என அட்டகாச ரிப்ளை!

ரசிகர் விருப்பம்

ஒத்த செருப்பு சைஸ் 7 படத்தை தயாரித்து, இயக்கி, நடித்த நடிகர் பார்த்திபனுக்கு, ஏகப்பட்ட பாராட்டுக்கள் குவிந்து வருகின்றன. கோல்டன் குளோப் மற்றும் ஆஸ்கர் கதவுகள் வரை அந்த படத்திற்காக நடிகர் பார்த்திபன் தட்டி இருந்தார். இந்நிலையில், தற்போது, தளபதி 65 படத்தில் பார்த்திபனும், விஜய்யும் இணைந்தால் செம மாஸ் என ரசிகர் ஒரு ட்வீட் போட்டு இருக்கிறார்.

நினைச்சது நடக்கும்

அந்த ரசிகரின் ட்வீட்டுக்கு கீழே நடிகரும் இயக்குநருமான பார்த்திபன், "Massக்கு MASTER-ஐ பிடிக்கும், Masterக்கு இந்த நண்பனைப் பிடிக்கும்.('நண்பன்' படத்தை என்னையே முதலில் இயக்கச் சொன்னார்-'அழகியத் தமிழ் மகனுக்கு எழுதச் சொன்னார்) நாளை இன்னும் அடுத்த லெவலில் நீங்கள் எதிர்பார்ப்பது நடக்கும்!" என பதில் அளித்துள்ளார்.

இது தெரியாம போயிடுச்சே

நண்பன் படத்தை இயக்குநர் ஷங்கருக்கு முன்னதாக பார்த்திபனையே இயக்கச் சொன்னார் விஜய், மற்றும் அழகிய தமிழ் மகன் படத்திற்கு கதையை எழுதச் சொன்னார் என்ற தகவல்கள் வெளியாகி உள்ள நிலையில், விஜய் ரசிகர்கள் ஆச்சர்யத்தில் அவரது ட்வீட்டுக்கு கீழே கமெண்ட் செய்து வருகின்றனர்.

ஆஸ்கர் நிச்சயம்

தளபதி 65 படத்தை பார்த்திபன், இயக்கப் போகிறாரா? அல்லது அதில் விஜய்யுடன் இணைந்து நடிக்கப் போகிறாரா என சில குழப்பங்கள் எழுந்தாலும், பார்த்திபனின் இந்த அட்டகாசமான பதில், தளபதி ரசிகர்களை குஷிப்படுத்தி உள்ளது. தளபதியும், நீங்களும் இணைந்தால், ஆஸ்கர் நிச்சயம் என இந்த தீவிர ரசிகர் கமெண்ட் செய்துள்ளார்.

ஒரே ட்வீட்டில் 3 ரகசியங்கள்

வித்தியாசமான படங்களில் எடுப்பது மட்டுமின்றி, வார்த்தை விளையாட்டு விளையாடுவதிலும், பார்த்திபன் சார் வித்தகர் தான். ஒரே ட்வீட்டில், மூன்று வெளிவராத ரகசியங்கள் வெளியாகி உள்ளன.. சார், நீங்க வேற லெவல், கண்டிப்பா தளபதி உடன் படம் பண்ணனும் என ரசிகர்கள் தங்களது ஆர்வத்தையும் விருப்பத்தையும் தெரிவித்து வருகின்றனர்.

நவயுக கல்கி

"வார்த்தைகளில் மாயக்கவர்ச்சியை உட்செலுத்தும் உம் வித்தைகளை எங்கே இனி காண்பேன் கவி மன்னா!! இது எப்படி சாத்தியம் நவயுக கல்கியே உங்களுக்கு அடைமொழி சூடலாமோ" என இந்த ரசிகர், இயக்குநர் பார்த்திபனை போல வார்த்தை ஜாலங்களால் கமெண்ட் செய்துள்ளார். உங்களுக்கும் லைக் கிடைக்கும் பாஸ்!