கவுண்டமணி, நயன்தாரா படங்களுடன் மோதும் விக்ரம்!

வரும் செப்டம்பர் 17-ம் தேதி வரவிருந்த படங்களில் லிஸ்டில் அதிரடி மாற்றங்கள்.

அக்டோபர் மாதம் வருவதாக இருந்த விக்ரமின் பத்து எண்றதுக்குள்ள, வரும் செப்டம்பர் 17-ம் தேதியே வருகிறது. விக்ரம் - சமந்தா நடித்துள்ள பத்து எண்றதுக்குள்ள படத்தை விஜய் மில்டன் இயக்கியுள்ளார். ‘கோலி சோடா' படத்திற்கு பிறகு விஜய் மில்டன் இயக்கியுள்ள படம் இது.

ஆனால் அன்றைக்கு வெளியாகும் என பெரிதும் எதிர்ப்பார்க்கப்பட்ட சிவகார்த்திகேயனின் ரஜினி முருகன் திடீரென தள்ளிவைக்கப்பட்டுள்ளது.

அன்றைய தேதியில் நயன்தாரா நடிப்பில் உருவாகியுள்ள புதிய ‘மாயா' படம் வெளியாகவிருக்கிறது. திகில் நிறைந்த பேய் படமாக உருவாகியுள்ளது மாயா.

இப்படத்துடன் கவுண்டமணி நீண்ட இடைவெளிக்கு பிறகு கதாநாயகனாக நடித்திருக்கும் ‘49 ஓ' என்கிற படமும் வெளிவரவிருக்கிறது.

ஜி.வி.பிரகாஷ் நடிப்பில் உருவாகியுள்ள ‘த்ரிஷா இல்லனா நயன்தாரா' படமும் இதே தேதியில் வெளியாகும் என்று எதிர்ப்பார்க்கப்படுகிறது.