“பத்து தல’’ படத்திற்கு வந்த சிக்கல்...ரிலீஸ் தேதி மாற்றமா?..வருத்தத்தில் ரசிகர்கள்!

சிலம்பரசன்

மாநாடு, வெந்து தணிந்தது காடு ஆகிய திரைப்படங்களைத் தொடர்ந்து, நடிகர் சிம்பு தற்போது சில்லுனு ஒரு காதல், நெடுஞ்சாலை படங்களை இயக்கிய கிருஷ்ணா இயக்கத்தில் பத்து தல படத்தில் நடித்து வருகிறார். கன்னடத்தில் சிவராஜ்குமார் நடிப்பில் வெளியாகி பிளாக்பஸ்டர் ஆன மஃப்ட்டி படத்தின் ரீமேக் தான் இப்படம். நிழல் உலக தாதாவை தேடிப்போகும் ரகசிய போலிஸ் பற்றிய கதையாக வெளியான மஃப்ட்டி படத்தில் சிவராஜ்குமார் நடித்திருந்தார்.

பத்து தல

இந்த படம் அதிக வசூல் செய்த படம் என்ற பெருமையைப் பெற்றதை அடுத்து, இப்படம் தமிழில் பத்து தல என்ற பெயரில் உருவாகி வருகிறது. இதில் சிம்பு, இணைந்து கௌதம் கார்த்திக், ப்ரியா பவானி சங்கர், கலையரசன் உள்ளிட்ட பலர் முக்கிய கதாபாத்திரத்தில் நடிக்கின்றனர். இயக்குநர் கௌதம் மேனன் வில்லனாக நடிப்பதாக அதிகாரப்பூர்வமாக அறிவிக்கப்பட்டுள்ளது.

ரிலீஸ் தேதி மாற்றமா?

ஸ்டுடியோ கிரீன் K.E.ஞானவேல் ராஜா தயாரித்துள்ள இந்த திரைப்படத்திற்கு ஏ.ஆர். ரஹ்மான் இசையமைக்கிறார். சிம்பு ரசிகர்களின் பெரிய எதிர்பார்ப்பில் இருக்கும் இந்த படம் அடுத்த மாதம் 14ம் தேதி வெளியாகும் என அறிவிக்கப்பட்டிருந்த நிலையில், படம் வெளியாவதில் சிக்கல் ஏற்பட்டுள்ளதாக கூறப்படுகிறது.

ரசிகர்கள் கவலை

அதாவது சிம்பு நடிக்கும் பத்து தல திரைப்படத்தின் ஷூட்டிங் இன்னும் முழுமையாக முடிவடையாததால் அடுத்த மாதம் படம் வெளியாவது கேள்விக்குறியாகி உள்ளது. இதனால் ரிலீஸ் தேதியை அடுத்த ஆண்டு ஜனவரி மாதத்திற்கு தள்ளிவைக் படக்குழு திட்டமிட்டுள்ளதாக கூறப்படுகிறது. இதனால் சிம்புவின் ரசிகர்கள் கவலை அடைந்துள்ளனர். பெங்களுக்கு விஜய்யின் வாரிசு, அஜித்தின் துணிவு படங்கள் வெளியாக இருப்பது குறிப்பிடத்தக்கது.