அமீருக்கு லவ் யூ சொன்ன பாவனி.. நெருக்கமான புகைப்படத்தை பதிவிட்டு காதலை உறுதி செய்தாரா?

விஜய் டிவி

விஜய் டிவியின் பிக் பாஸ் வீடு, ஏராளமான மகிழ்ச்சி, சோகம், காதல், ஏக்கம், வருத்தம், பரிதவிப்பு உள்ளிட்ட உணர்ச்சிகளின் சங்கமமாகவே காணப்படும். அந்த 100 நாட்களில் போட்டியாளர்களின் சொந்த வாழ்க்கையின் நிகழ்வுகளும் அதிகமாக பகிர்ந்து கொள்ளப்படும். அந்த வகையில்தான் கடந்த 5வது சீசனும் காணப்பட்டது.

பிக்பாஸ் சீசன் 5 நிகழ்ச்சி

இதில் கலந்துக் கொண்ட நடிகை பாவனி, ரெட்டைவால் குருவி, சின்னத்தம்பி ஆகிய சீரியல்களில் நடித்திருந்தவர். பிக்பாஸ் சீசன் 5ல் கலந்துக் கொண்ட இவர், ஒரே வாரத்தில் தன்னுடைய காதல் கணவர் தற்கொலை செய்துக் கொண்டது குறித்து சோகத்துடன் பகிர்ந்துக் கொண்டார். இதையடுத்து சக போட்டியாளர்கள் மட்டுமின்றி ரசிகர்களும் வருத்தம் தெரிவித்தனர்.

பாவனியிடம் காதலை சொன்ன அமீர்

இந்தத் தொடரில் வைல்ட் கார்ட் என்ட்ரி கொடுத்த நடன இயக்குநர் அமீர், பாவனியிடம் தன்னுடைய காதலை சொன்னார். ஆனால் இந்தக் காதலை இதுவரை நேரடியாக ஏற்றுக் கொள்ளாமல் போக்கு காட்டி வருகிறார் பாவனி. தற்போது பிக் பாஸ் ஜோடிகள் நிகழ்ச்சியிலும் இந்த ஜோடி இணைந்து நெருக்கம் காட்டி வருகிறது.

அமீருக்கு பிறந்தநாள் வாழ்த்து

தொடர்ந்து வெளியாகிவரும் புகைப்படங்களில் இந்த ஜோடியின் நெருக்கம், பாவனி அமீரின் காதலை ஏற்றுக் கொண்டாரா என்ற சந்தேகத்தை ரசிகர்களிடையே எழுப்பிவந்தது. இந்நிலையில், தற்போது அமீருக்கு பிறந்தநாள் வாழ்த்துக்களை தெரிவித்துள்ள பாவனி, இருவரும் நெருக்கமாக இருக்கும் புகைப்படத்தையும் பகிர்ந்துள்ளார்.

ஐ லவ் யூ சொன்ன பாவனி

மேலும் இந்த உலகத்தின் கீழ் அமீர் விரும்பும் அனைத்தும் அவருக்கு கிடைக்க வேண்டும் என்றும் வாழ்த்து தெரிவித்துள்ளார். இந்த போஸ்ட்டின் ஹைலைட் என்னவென்றால் இறுதியில் பாவனி, ஐ லவ் யூ டா என்று கூறியுள்ளார். இந்தப் பதிவின் மூலம் தற்போது அமீரின் காதலை பாவனி ஏற்றுக் கொண்டதாக ரசிகர்கள் கமெண்ட் செய்து வருகின்றனர்.