உடன் நடித்த நடிகையின் பெயரையே மறந்த பவன் கல்யாண்...தீயாய் பரவும் வீடியோ

இதுதான் படத்தின் கதை

பிராமண குடும்பத்தை சேர்ந்த பையன், கிறிஸ்தவ பெண்ணை காதலிக்கிறார். தனது பெற்றோரை சமாதானம் செய்து, அவர்களின் சம்மதத்தை பெறுவதற்காக பிராமணப் பெண் போல பயிற்சி கொடுத்து, தனது காதலியை வீட்டிற்கு அழைத்து வருகிறார். பெற்றோர்கள் சம்மதத்தை பெற காதலர்கள் என்னவெல்லாம் செய்கிறார்கள், பெற்றோர் சம்மதித்தார்களா, இவர்களின் காதல் திருமணத்தில் முடிந்ததா என்பது படத்தின் கதை.

இவர் பெயரை மறந்துட்டாரே

இந்த படத்தின் ப்ரீ-ரிலீஸ் நிகழ்ச்சி சமீபத்தில் ஐதராபாத்தில் நடந்தது. அந்த நிகழ்ச்சியில் சிறப்பு விருந்தினராக தெலுங்கு சூப்பர் ஸ்டார் பவன் கல்யாண் வந்திருந்தார். மேடையில் பேசிய பவன் கல்யாண், அன்டே சந்தரானிக்கி படத்தில் நடித்த நானி,நஸ்ரியா மற்றும் படம், படக்குழுவினர் பற்றி பேசி பாராட்டினார். ஆனால் நிவேதா தாமஸ் பெயரை குறிப்பிட மறந்தார்.

நிவேதாவிற்கு ஷாக் கொடுத்த பவன்

பிறகு பவன் கல்யாணுக்கு மேடையில் கை கொடுக்க சென்றார் நிவேதா. அப்போது தான் பவன் கல்யாணுக்கு நிவேதா ஞாபகம் வந்தது. பின்னர் அருகில் இருந்தவரை அழைத்து அவரது பெயரை கேட்டு, பின்னர் உடனடியாக மைக்கை வாங்கி, மன்னிப்பு கேட்டு நிவேதா பெயரை கூறி, அவர் நன்றாக நடித்திருந்தார் என கூறி வாழ்த்தினார். இதை எதிர்பார்க்காத நிவேதா தாமஸ் இன்ப அதிர்ச்சி அடைந்தார்.

செம டிரெண்டாகும் வீடியோ

தற்போது இந்த வீடியோ சோசியல் மீடியாவில் பயங்கர ட்ரெண்டிங் ஆகி வருகிறது. 'நேர்கொண்ட பார்வை' படத்தின் தெலுங்கு ரீ - மேக்கான 'வக்கீல் சாப்' படத்தில் பவன் கல்யாண் நடித்திருந்தார். இந்த படத்தில் முக்கிய ரோலில் நிவேதா தாமஸ் நடித்து இருந்தார் என்பது குறிப்பிடத்தக்கது. சூப்பர் ஹிட்டான படத்தில் சமீபத்தில் நடித்த நடிகையின் பெயரையே மறந்து விட்டு, மேடையில் பக்கத்தில் இருந்தவரிடம் கேட்டு, பிறகு பாராட்டிய பவன் கல்யாணின் செயலை பலரும் கிண்டல் செய்து வருகின்றனர்.