பீட்டா ஒப்பந்தத்திலிருந்து தப்புவது எப்படி? வக்கீல்களிடம் ஆலோசிக்கும் டாப் நடிகைகள்!

இனிமேல் தமிழ்நாட்டுக்குள் பீட்டாவுக்கு ஆதரவாக யாராவது பேசினால் அவர்கள் கதி அதோ கதிதான் என்ற அளவுக்கு ஆகிவிட்டது. ஆனாலும் இன்னும் சில நடிகைகள் அந்த அமைப்பில் நீடித்துக்கொண்டுதான் இருக்கிறார்கள்.

குறிப்பாக எமி ஜாக்ஸன், தமன்னா, த்ரிஷா ஆகியோர் இன்னமும் பீட்டா உறுப்பினர்களாக நீடிக்கிறார்களாம். இவர்கள் தவிர இன்னும் சில நடிகைகள் பீட்டாவில் இருக்கிறார்களாம். இவர்கள் நடிக்கும் படங்கள் ரிலீஸாவதில் சிக்கல் ஏற்படலாம் என்பதால் அந்தந்த படங்களின் தயாரிப்பாளர், இயக்குநர்கள் அவர்களை பீட்டாவுக்கு எதிராக வாய்ஸ் தருமாறு கண்டிப்பாகக் கூறிவிட்டார்களாம்.

ஆனால் பீட்டாவோ எங்களுக்கு எதிராக ஸ்டேட்மெண்ட் விட்டால் உறுப்பினர்கள் பெயர்களை பகிரங்கமாக வெளியிடுவோம் என்று மிரட்டுகிறது.

இதனால் என்ன செய்வதென்று தெரியாமல் முழிக்கிறார்கள். பீட்டாவுடனான ஒப்பந்தத்தை எப்படி ரத்து செய்யலாம் என்று வழக்கறிஞர்களிடம் ஆலோசனை நடத்துகிறார்களாம்.