எங்களால் தானே இவ்வளவு அசிங்கம்.. லக்ஷ்மி ராமகிருஷ்ணனிடம் மன்னிப்பு கேட்ட பீட்டர் பாலின் மனைவி!

ஆதரவும் எதிர்ப்பும்

அந்த வீடியோவை தனது சமூக வலைதள பக்கத்திலும் வெளியிட்டார். இதனை பார்த்த பலரும் வனிதாவுக்கு ஆதரவும் எதிர்ப்பும் தெரிவித்தனர். நடிகை கஸ்தூரி லக்ஷ்மி ராமகிருஷ்ணனுக்கு ஆதரவாக டிவிட்டினார். வனிதா மன்னிப்பு கேட்க வேண்டும் என்றும் வலியுறுத்தினார்.

போலீஸில் புகார்

இதனால் கஸ்தூரியிடமும் மோதலில் ஈடுபட்டார் நடிகை வனிதா. வனிதா, லக்ஷ்மி ராமகிருஷ்ணன், கஸ்தூரி ஆகியோருக்குள் ஏற்பட்ட வார்த்தை போரால் டிவிட்டர் தளமே அல்லோகளப்பட்டது. தொடர்ந்து கஸ்தூரி, லக்ஷ்மி, நாஞ்சில் விஜயன் உள்ளிட்டோர் மீது போலீஸிலும் புகார் அளித்தார் வனிதா.

லக்ஷ்மியிடம் மன்னிப்பு

இந்நிலையில் வனிதா தரக்குறைவாகவும் ஆபாசமாகவும் பேசியதற்காக பீட்டர் பாலின் முதல் மனைவியான எலிசபெத் ஹெலன் லக்ஷ்மி ராமகிருஷ்ணனிடம் மன்னிப்பு கேட்டு வீடியோ வெளியிட்டுள்ளார். அந்த வீடியோவை லக்ஷ்மி தனது டிவிட்டர் பக்கத்தில் ஷேர் செய்துள்ளார்.

பெண்ணை அழிப்பது அல்ல

மேலும் எந்த தவறும் செய்யவில்லை இருப்பினும் எலிசபெத் மன்னிப்பு கேட்கிறார், அவர் எங்களை சிக்கலில் ஆழ்த்தியதாக நினைக்கிறார்! அவர் ஒரு வலிமையான பெண். பெண்ணியம், அதிகாரம் என்பது மற்றொரு பெண்ணை அழிப்பது அல்ல என்றும் லக்ஷ்மி குறிப்பிட்டுள்ளார்.

ரொம்ப கஷ்டமா இருக்கு

அந்த வீடியோவில் எலிசபெத் பேசியிருப்பதாவது, எங்களுக்காகதான் லக்ஷ்மி பேசினாங்க. ஆனால் வனிதா, அவங்களை ரொம்ப தரக்குறைவா, மட்டமா, அசிங்கமா பேசி அவங்கள ரொம்ப கஷ்டப்படுத்திட்டாங்க. அவங்க நியாயத்துக்காகதான் கேட்டாங்க. ஆனா வனிதா அவங்க வயசுக்கு கூட மரியாதை கொடுக்காம கெட்ட வார்த்தையால் பேசியது மனசுக்கு ரொம்ப கஷ்டமா இருக்கு.

எங்களாலதான் இந்த அசிங்கம்

ரெண்டு நாளா அதுவே ரொம்ப கஷ்டமா இருக்கு. நம்மளால இப்படி ஆயிடுச்சேன்னு ரொம்ப ஃபீலிங்கா இருக்கு. அவங்க அப்படி பண்ணினதுக்கு நான் உங்கக்கிட்ட மன்னிப்பு கேட்குறேன். எங்களாலதான் உங்களுக்கு இப்படி ஒரு அசிங்கம் வந்தது.

ஐ ஃபீல் வெரி சாரி

வயசு வித்தியாசம் பார்க்காம அவங்க அப்படி பேசினது ரொம்ப தப்பு. அவங்க மன்னிப்பு கேட்குறாங்களோ இல்லையோ அது வேற விஷயம். எங்களுக்காகதான் நீங்க இறங்கினீங்க. அவங்க பேசினது எங்களுக்கே ரொம்ப கஷ்டமா இருக்கு உங்களுக்கு எப்படி இருந்திருக்குட் ஐ ஃபீல் வெரி சாரி ஃபார் தட் மேடம், தேங்க்யூ மேடம். என தெரிவித்துள்ளார்.