விஜய் ஆன்டனி பிறந்த நாள் பரிசாக ...அதிகார பூர்வ அறிவிப்பு பிச்சைக்காரன் 2

ஆசை

இயக்குநர், நடிகர் விஜய் ஆண்டனி இது குறித்து பகிர்ந்து கொண்டதாவது... ஒரு நீண்டகால கனவு இறுதியாக நனவாகிறது. இந்த புதிய அவதாரம் பெரும் மகிழ்ச்சியை தந்துள்ளது. நீண்ட காலமாக எனது மனதில் இயக்குநர் ஆகும் ஆசை இருந்தது. ஒரு நடிகராக ஒவ்வொரு திரைப்படத்திலும், நான் உதவி இயக்குநராகவும் பணியாற்றியுள்ளேன்.

திறமைகளை வளர்த்து

பல்வேறு திரைப்பட இயக்குநர்களிடமிருந்து பல நுட்பங்களையும், திறன்களையும் கற்றுக் கொண்டிருக்கிறேன். எந்தவொரு படைப்பாளிக்கும், தான் பணிபுரியும் துறை பற்றிய விழிப்புணர்வு இருப்பது நன்மை தரும் அம்சமாகும். இசையமைப்பாளராகவும் ஒரு நடிகராகவும் இத்துறையில் சிறந்ததொரு வெற்றியைப் பெற்றிருப்பது எனது அதிர்ஷ்டம். எனது திறமைகளை வளர்த்துக் கொள்ளும், இந்த திரைப்பயணத்தில், என்னை ஆதரித்த தயாரிப்பாளர்கள், இயக்குநர்கள் மற்றும் நடிகர்களுக்கு நான் இந்நேரத்தில் நன்றி கூறிக்கொள்கிறேன்.

மிகப்பெரும் பட்ஜெட்

எனது பிறந்தநாளின் இந்த சிறப்பு சந்தர்ப்பத்தில், "பிச்சைக்கரன் 2" திரைப்படத்தில், இயக்குநராக எனது புதிய பயணம் துவங்குவதை, உங்களுக்கு தெரிவிப்பதில் மிகுந்த மகிழ்ச்சியடைகிறேன். மிகப்பெரும் பட்ஜெட்டில் ஒரு பிரம்மாண்டமான படைப்பாக இப்படம் உருவாகவுள்ளது. இப்படத்தில் கதாநாயகி பாத்திரத்தில் நடிக்க, முன்னணி நடிகைகளுடன் பேச்சுவார்த்தைகள் நடந்து வருகின்றன.

திகட்டாத திரைக்கதை

ரசிகர்களுக்கு செண்டிமென்ட்டும், பொழுதுபோக்கும், சரி விகிதத்தில் கலந்த சிறப்பானதொரு அனுபவத்தை "பிச்சைக்கரன் 2" திரைப்படம் தரும். இப்படத்தில் நடிக்கவுள்ள நடிகர்கள் மற்றும் தொழில்நுட்ப குழுவினர் குறித்து விரைவில் அதிகாரப்பூர்வமாக அறிவிக்கப்படும் என்றார்.பிச்சைக்காரன் இன்றும் டீ வியில் ஒளிபரப்பு செய்தால் மிக அதிகமான டி ஆர் பி பெறுகிறது. எத்தனை முறை பார்த்தாலும் திகட்டாத ஸ்க்ரீன் ப்ளே ,அப்படி பட்ட ஒரு படத்தின் இரண்டாம் பாகம் மிக அதிகமான எதிர்பார்ப்பை பெற்று வருகிறது.