8 நாட்களில் ரூ 198 கோடி குவித்த பீகே.. புதிய வசூல் சாதனை

ஆமீர் கான் நடித்த பீகே படம் வசூலில் புதிய சாதனைப் படைத்துள்ளது. வெளியான எட்டு தினங்களில் ரூ 198 கோடியைக் குவித்து, முந்தைய 3 இடியட்ஸ், தூம் 3 படங்களின் சாதனைகளை முறியடித்துள்ளது.

கடந்த டிசம்பர் 19-ம் தேதி உலகெங்கும் 4000 அரங்குகளில் வெளியானது பீகே. முதல் நாளில் நல்ல வரவேற்பு கிடைத்தாலும், வசூலில் சாதனை எதுவும் நிகழவில்லை. ஆனால் மூன்றாம் நாளில் ரூ 38 கோடியைக் குவித்தது. நான்காம் நாள் இந்தப் படம் ரூ 100 வசூல் பட பட்டியலில் இணைந்தது.

வெளியான எட்டாவது நாளில் மொத்தம் ரூ 198 கோடியைக் குவித்து முந்தைய ஆமீர்கான் படங்களின் சாதனைகளை முறியடித்துள்ளது.

படம் குறித்து வாய் வழியாகப் பரவும் சாதகமான தகவல்கள் காரணமாக, இரண்டாவது வாரமும் படத்தை மீண்டும் பார்க்க மக்கள் வர ஆரம்பித்துள்ளனர். இதனால் இந்தப் படம் 3 இடியட்ஸ், எந்திரன், ஹேப்பி நியூ இயர் போன்ற படங்களின் மொத்த வசூல் சாதனைகளை சீக்கிரமே மிஞ்சும் என எதிர்ப்பார்க்கப்படுகிறது.