பொன்னியின் செல்வன் பெயர் சர்ச்சை..அருள்மொழி வர்மனா? அருண்மொழி வர்மனா?படக்குழுவினர் விளக்கம்!

கதாபாத்திர போஸ்டர்

பொன்னியின் செல்வன் படத்தில் யார் யார் எந்தெந்த கதாபாத்திரத்தில் நடித்துள்ளார்கள் என்பதை ஒவ்வொன்றாக படக்குழு போஸ்டரை வெளியிட்டனர். அதில், ஆதித்த கரிகாலன, வந்தியத் தேவன்,அருண்மொழி வர்மன், குந்தவை, நந்தினி ஆகியோரின் கதாபாத்திர போஸ்டரை படக்குழு வெளியிட்டு இருந்தது.

பெயர் சர்ச்சை

இதில் ஆதித்த கரிகாலன் நெற்றியில் இருப்பது திலகமா? நாமமா? என்ற சர்ச்சை எழுந்தது. இதுமிகப்பெரிய சர்ச்சையை கிளப்பியது. மேலும், அருண் மொழி வர்மன் பெயர் குறித்தும், த்ரிஷாவின் உடை தமிழ்நாட்டு பாரம்பரிய உடை தானா என்றும் த்ரிஷாவின் போஸ்டர் வெளிவந்தபோது விமர்சனங்கள் எழுந்தன.

விளக்கம் அளித்த படக்குழு

இந்நிலையில், பொன்னியின் செல்வன் படக்குழு அருண்மொழியா, அருள்மொழியா என்ற சர்ச்சைக்கு விளக்கம் அளித்து வீடியோ ஒன்றை வெளியிட்டுள்ளது. இதில், சுந்தர சோழர் என்றும் இரண்டாம் பராந்தகன் என்று அழைக்கப்படக்கூடிய சோழ மன்னனுடைய இளைய மகன்தான் அருண்மொழி வர்மன். சோழர் காலத்தில் செப்பேடுகளில் அருண்மொழி வர்மன் என்று இருப்பதாக ஆராய்ச்சிபூர்வமாக ஓர் அறிக்கையை படக்குழு வெளியிட்டுள்ளது.

ரிலீஸ் தேதி

இப்படத்தின் டீசர் சமீபத்தில் வெளியானது. இதில், குதிரைப்படை, யானைப்படை, சீறிப்பாய்ந்து வந்த கப்பல், விக்ரமின் கர்ஜிக்கும் குரல் என டீசர் மிகவும் பிரம்மிப்பாக இருந்தது. பொன்னியின் செல்வன் படத்தின் முதல் பாகம் வருகிற செப்டம்பர் மாதம் 30-ந் தேதி ரிலீசாக உள்ளது. இத்திரைப்படத்தை காண ரசிகர்கள் மிகுந்த ஆர்வத்துடன்உள்ளனர்.