அப்போ எல்லாமே ஒரிஜினல் தங்கமா?...மிரள வைக்கும் பொன்னியின் செல்வன் புதிய வீடியோ

ரசிகர்களை கவர்ந்த பொன்னி நதி

பொன்னியின் செல்வன் டீசரை தொடர்ந்து, நடிகர் விக்ரம் 5 மொழிகளில் டப்பிங் பேசிய மேக்கிங் வீடியோ வெளியிடப்பட்டது. இதைத் தொடர்ந்து சமீபத்தில் பொன்னியின் செல்வன் ஃபர்ஸ்ட் சிங்கிளாக பொன்னி நதி பாடலின் லிரிக்கல் வீடியோ வெளியிடப்பட்டுள்ளது. இந்த பாடல் 12 மில்லியனுக்கும் அதிகமான பார்வைகளை பெற்று அனைத்து மொழி ரசிகர்களையும் கவர்ந்துள்ளது.

தமிழுக்கு மட்டும் ஸ்பெஷல்

பொன்னி நதி பாடல் படத்தின் இன்ட்ரோ சாங்காகவும், வந்தியத் தேவனின் இன்ட்ரோ சாங்காகவும் இருக்கும் வகையில் அமைக்கப்பட்டுள்ளது. இளங்கோ கிருஷ்ணன் எழுதிய இந்த பாடலை ஏ.ஆர்.ரஹ்மான் தான் இசையமைத்து, பாடி உள்ளார். நாட்டுப்புற ஸ்டைலில் அமைக்கப்பட்டுள்ள இந்த பாடல் அனைத்து மொழியினரும் ரசிக்கும் வகையில் ஒரே மாதிரியான இசையில் அமைக்கப்பட்டுள்ளது.தமிழில் இன்னும் ஸ்பெஷலாக தமிழில் அதிகம் புழக்கத்தில் இல்லாத வார்த்தைகளைக் கொண்டு இந்த பாடல் அமைக்கப்பட்டுள்ளது.

அடுத்த பாடல் எப்போ

படத்தின் அடுத்த பாடல் என்ன, எப்போ வெளியிடுவார்கள் என ரசிகர்கள் கேட்டு வரும் நிலையில் செகண்ட் சிங்கிள் ஆகஸ்ட் மாத இறுதியில் வெளியிடப்பட உள்ளதாகவும், இது ஆதித்ய கரிகால சோழன் ரோலில் நடித்துள்ள விக்ரமிற்கான சாங்காக இருக்கும் என கடந்த சில நாட்களாக தகவல் பரவி வருகிறது.

ஆடியோ எப்போ ரிலீஸ் பண்ணுவாங்க

லேட்டஸ்ட் தகவலின் படி பொன்னியின் செல்வன் படத்தின் ஆடியோ வெளியீட்டு விழா மிக விரைவில் சென்னை அல்லது தஞ்சையில் நடத்த படக்குழு திட்டமிட்டுள்ளதாக சொல்லப்படுகிறது. மிக பிரம்மாண்டமாக நடைபெற உள்ள இந்த விழாவில் பொன்னியின் செல்வன் படத்தில் நடித்த அத்தனை நடிகர், நடிகைகளும் கலந்து கொள்ள உள்ளதாக சொல்லப்படுகிறது.

ஆஹா...செம தகவலா இருக்கே

கோலிவுட்டில் இதுவரை நடக்காத அளவிற்கு மிக பிரம்மாண்டமாக பொன்னியின் செல்வன் ஆடியோ வெளியீட்டு விழாவை நடத்த படக்குழு திட்டமிட்டுள்ளதாகவும், இந்த விழாவிற்காக அழைக்கப்பட வேண்டிய விஐபிக்கள் லிஸ்ட் தயாராகி வருவதாகவும் சொல்லப்படுகிறது. ஆடியோ வெளியீட்டிற்கு பிறகு இனி அடுத்தடுத்த அப்டேட்களை படக்குழுவிடம் இருந்து எதிர்பார்க்கலாம் என்றும் சொல்லப்படுகிறது.

எல்லாமே ஒரினிஜல் தங்கமா?

பொன்னியின் செல்வன் செகண்ட் சிங்கிள், ஆடியோ ரிலீஸ் பற்றி அனைவரும் எதிர்பார்த்துக் கொண்டிருக்கையில் யாரும் கொஞ்சமும் எதிர்பார்க்காத வகையில், படத்தில் ஐஸ்வர்யா ராய், த்ரிஷா, கார்த்தி உள்ளிட்டோர் பயன்படுத்திய நகைகள் பற்றிய ஒரு வீடியோவை படக்குழு வெளியிட்டுள்ளது. மின்னுவதெல்லாம் பொன்...எங்களின் நகை ஸ்பான்சர் Kishan Dasand Co என்ற கேப்ஷனுடன் படக்குழு வீடியோ ஒன்றை வெளியிட்டுள்ளது.பொதுவாக சினிமாவிற்கு டூப்ளிகேட் நகைகளை தான் பயன்படுத்துவார்கள். ஆனால் பொன்னியின் செல்வன் டீம் இதில் கூட பெர்ஃபக்ஷனாக ஒரிஜினல் நகைகளை பயன்படுத்தி உள்ளதாக பலரும் ஆச்சரியம் தெரிவித்து வருகின்றனர்.