பொன்னியின் செல்வன் 6 பாடல்கள் இவை தான்.. மிரட்டலாக வெளியான போஸ்டர்கள்.. அரங்கம் அதிரப் போகுது!

பிரம்மாண்ட விழா

சென்னை நேரு ஸ்டேடியத்தில் பொன்னியின் செல்வன் படத்தின் இசை மற்றும் டிரைலர் வெளியீட்டு விழா பிரம்மாண்டமாக தொடங்கியது. இயக்குநர் மணிரத்னம் இயக்கத்தில் உருவாகி உள்ள பொன்னியின் செல்வன் படத்தில் சியான் விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா, சோபிதா துலிபாலா, ஐஸ்வர்யா லக்‌ஷ்மி, பிரபு, பிரகாஷ் ராஜ், சரத்குமார், பார்த்திபன், விக்ரம் பிரபு, லால், ஜெயராம் உள்ளிட்ட பலர் நடித்துள்ளனர்.

ஸ்பெஷல் கெஸ்ட்

தமிழ் சினிமாவின் பெருமையாக உருவாகி உள்ள பொன்னியின் செல்வன் இசை மற்றும் டிரைலர் வெளியீட்டு விழா நிகழ்ச்சியில் முன்னணி நடிகர்களான ரஜினிகாந்த் மற்றும் கமல்ஹாசன் சிறப்பு விருந்தினர்களாக கலந்து கொள்ள உள்ளனர். நிகழ்ச்சியில் பங்கேற்க பாலிவுட் நடிகை ஐஸ்வர்யா ராய் கூட சென்னைக்கு வந்து விட்டதாக போட்டோக்கள் மற்றும் வீடியோக்கள் டிரெண்டாகி வருகின்றன.

6 பாடல்கள்

பொன்னியின் செல்வன் முதல் பாகம் வரும் செப்டம்பர் 30ம் தேதி நடைபெறுகிறது. அந்த படத்தின் பொன்னி நதி, சோழா சோழா என இரு பாடல்கள் ஏற்கனவே வெளியான நிலையில், மேலும் படத்தில் உள்ள 4 பாடல்களின் போஸ்டர்கள் தற்போது சோஷியல் மீடியாவில் வெளியாகி வெறித்தனம் காட்டுகின்றன. ஏ.ஆர். ரஹ்மான் ஒவ்வொரு பாடலையும் வித்தியாசமாக ரசிகர்களுக்கு பிடிக்கும் வண்ணம் கொடுத்துள்ளார்.

ராட்சச மாமனே

பொன்னியின் செல்வன் படத்தின் ஃபர்ஸ்ட் லுக்கிலேயே கார்த்தியின் வித்தியாசமான வந்தியத்தேவன் கெட்டப்பை பார்த்து ரசிகர்கள் வியந்தனர். இந்நிலையில், அந்த காட்சி ராட்சச மாமனே என்கிற பாடலில் இடம்பெற்று இருப்பது தற்போது தெரியவந்துள்ளது. ரொம்பவே டெரர் லுக்கில் வந்தியத்தேவனாக கார்த்தி காட்சி அளிக்கிறார்.

குந்தவையின் சொல்

குந்தவை த்ரிஷா மற்றும் வானதி சோபிதா துலிபாலா இருவரும் தங்களின் காதல் பற்றி ஒருவருக்கொருவர் பாடிக் கொண்டு உரையாடும் 'சொல்' பாடலின் க்யூட்டான போஸ்டரும் தற்போது வெளியாகி உள்ளது. த்ரிஷாவும், சோபிதா துலிபாலாவும் அவ்வளவு அழகாக உள்ளனர்.

அலை கடல்

கடல் படத்தை இயக்கிய மணிரத்னம் இயக்கத்தில் உருவாகி உள்ள பொன்னியின் செல்வன் படத்தில் அலை கடல் என்கிற அசத்தலான பாடல் ஒன்றும் இடம்பெற்றுள்ளது. பூங்குழலி பொன்னியின் செல்வனை நினைத்து உருகி பாடும் பாடலாக அந்த பாடல் இடம்பெறும் என எதிர்பார்க்கப்படுகிறது.

தேவராளன் ஆட்டம்

பொன்னியின் செல்வன் கதையின் முக்கிய கட்டமான தேவராளன் ஆட்டத்திற்கு அதே பெயரில் ஒரு பாடலை ஏ.ஆர். ரஹ்மான் வெறித்தனமாக போட்டுள்ளார். ஒவ்வொரு பாடலையும் தனது குழுவுடன் இந்த இசை வெளியீட்டு விழாவில் அவர் இசையமைத்தும் பாடியும் அசத்துவார் என எதிர்பார்க்கப்படுகிறது.