தலைவர் 169 இதுவரை வந்த தகவல் பொய்யா? இப்ப தான் இதுவே பண்றாரா நெல்சன்...பிரபல நடிகர் தந்த பகீர் அப்டேட்

தலைவர் 169 வதந்தி

பீஸ்ட் படத்தின் ரிலீசிற்கு முன்பே தலைவர் 169 படத்தை இயக்கும் வாய்ப்பை பெற்று விட்டார் நெல்சன். பீஸ்ட் படத்திற்கு கிடைத்த மோசமான விமர்சனங்களால் தலைவர் 169 பட வாய்ப்பை நெல்சன் இழந்து விட்டதாகவும், வேறு டைரக்டரை மாற்ற ரஜினி முடிவு செய்து விட்டதாகவும் வதந்தி பரவியது. பிறகு ரஜினியே அதை முடித்தும் வைத்தார்.

தீயாய் வேலை செய்யும் நெல்சன்

பீஸ்ட் படம் போல் தலைவர் 169 படமும் ஆகி விடக்கூடாது என கே.எஸ்.ரவிக்குமாரை கூப்பிட்டு, திரைக்கதையை சரி செய்யும் பொறுப்பை ரஜினி கொடுத்துள்ளதாக கூறப்பட்டது. நெல்சனும் எப்படியாவது இழந்த இடத்தை பிடித்து விட வேண்டும், தலைவர் 169 படத்தை பிளாக்பஸ்டர் வெற்றி படமாக ஆக்கி விட வேண்டும் என தீயாய் வேலை செய்வதாக கூறப்பட்டது.

ஆகஸ்ட்டில் தலைவர் 169 ஷுட்டிங்

தலைவர் 169 ஷுட்டிங் ஜுலை இறுதியில் அல்லது ஆகஸ்ட் மாதத்தில் துவங்கப்படும் என கூறப்பட்டு வருகிறது. ஆனால் படம் அறிவிக்கப்பட்டு நான்கு மாதங்கள் ஆகியும் இதுவரை பூஜை கூட போடாதது ஏன் என இதுவரை தகவல் வெளியிடப்படவில்லை. ஆகஸ்ட்டில் ஷுட்டிங் எப்படியும் துவங்கி விடும் என்பதால், 2023 ம் ஆண்டு பொங்கலுக்கு படம் ரிலீசாகி விடும் என ரசிகர்கள் எதிர்பார்த்துக் கொண்டிருக்கிறார்கள்.

பிரபல நடிகரின் ஷாக் அப்டேட்

இந்த சமயத்தில், பிரபல காமெடி நடிகரான கிங்ஸ்லீயிடம் சமீபத்தில், தலைவர் 169 படத்திலும் நீங்கள் நடிக்கிறீர்களா என கேட்கப்பட்டது. அதற்கு பதிலளித்த அவர், பேச்சுவார்த்தை போய் கொண்டிருக்கிறது. இன்னும் முடிவாகவில்லை. நெல்சன் தற்போது தான் ஃபர்ஸ்ட் ஆஃப் கதையை தீவிரமாக எழுதிக் கொண்டிருக்கிறார். வெறித்தனமாக வேலை செய்து கொண்டிருப்பதால் நிச்சயம் படம் வேற லெவலில் வரும் என கூறி உள்ளார்.

இப்போ தான் இதுவே பண்ணுறாரா

கிங்ஸ்லீயின் இந்த பதில் அனைவருக்கும் ஷாக் கொடுத்துள்ளது. ஃபர்ஸ்ட் ஆஃப் கதையையே இப்போது தான் எழுதிக் கொண்டிருக்கிறாரா. இனி எப்போ செகண்ட் ஆஃப் கதை எழுதி முடித்து, அதை ரஜினி ஓகே பண்ணி, திருத்தங்கள் செய்து, அது ஓகே ஆகி, எப்போ ஷுட்டிங் துவங்கறது. இப்போதைக்கு தலைவர் 169 ஷுட்டிங்கை ஆரம்பிக்க மாட்டார்கள் போல என ரசிகர்கள் சோஷியல் மீடியாவில் புலம்ப துவங்கி விட்டனர்.

அப்போ டைட்டில் தகவல் பொய்யா

ஃபர்ஸ்ட் ஆஃப் கதையையே நெல்சன் தற்போது எழுதிக் கொண்டிருப்பதாக கிங்ஸ்லே சொல்கிறார். அதே சமயம், தலைவர் 169 படம் சிறை கைதிகள், சிறைக்களம் ஆகியவற்றை மையமாகக் கொண்ட கதை. அதனால் படத்திற்கு ஜெயிலர், கிரிமினல், சாம்ராட், பாஸ் போன்றவற்றில் எதை டைட்டிலாக வைக்கலாம் என படக்குழு ஆலோசித்துக் கொண்டிருப்பதாக தகவல் பரவியது. இதனால் டைரக்டர் லோகேஷ் கனகராஜ் படங்களை பார்த்து நெல்சன் காப்பி அடித்து விட்டார் என்ற ட்ரோல் தீவிரமாக ஓடிக் கொண்டிருக்கிறது சோஷியல் மீடியாவில்.