பிக் பாஸ் சீசன் 6ல் விஜய் டிவி பிரபலங்கள்?.. கசிந்தது போட்டியாளர்கள் பற்றிய தகவல்!

பிக் பாஸ்

விஜய் தொலைக்காட்சியில் பிரபலமாக ஒளிபரப்பாகும் நிகழ்ச்சிகளுள் ஒன்று தான் பிக் பாஸ், இந்த நிகழ்ச்சி தொடங்கினாலே அடுத்த நூறு நாட்களுக்கு அனைவருக்கும் சுவாரசியத்திற்கு பஞ்சமே இருக்காது. சண்டை,அழகை, காதல், ரொமான்ஸ், நட்பு, பாசம், கேலி, ஆட்டம் பாட்டம் என பல உணர்வுகளை இந்த நிகழ்ச்சியில் நாம் பார்க்க முடியும். பிக் பாஸ் நிகழ்ச்சி பற்றி சிலர் குறை கூறி வந்தாலும், அதனை பார்ப்பவர்களின் எண்ணிக்கை அதிகரித்து கொண்டுதான் இருக்கின்றது.

ரக்ஷன்

கடந்த ஜனவரி மாதம் பிக் பாஸ் சீசன் 5 முடிவடைந்த நிலையில், தற்போது பிக் பாஸ் சீசன் 6ல் கலந்து கொள்ளும் போட்டியாளர்கள் குறித்த தகவல் வெளியாகி உள்ளது. இதில் பிரபல தொகுப்பாளரான ரக்ஷனுடன் தயாரிப்பாளர்கள் பேச்சுவார்த்தை நடத்தி வருவதாக கூறப்படுகிறது. கடந்த சீசனில் ரக்ஷன் கலந்து கொள்ள இருந்ததாகவும், ஆனால், கடைசி நேரத்தில் அத்திட்டம் கைவிடப்பட்டதாகவும் கூறப்படுகிறது. இதையடுத்து, இந்த முறை, குக் வித் கோமாளி சீசனும் முடிந்துவிட்டதால், ரக்ஷன் ஒரு போட்டியாளராக பிபி வீட்டிற்குள் வருவார் என எதிர்பார்க்கப்படுகிறது.

ராஜலட்சுமி

மேலும், சூப்பர் சிங்கர் நிகழ்ச்சி மூலம் பிரபலமான ராஜலட்சுமி பிக் பாஸ் தமிழ் 5 இல் நுழைவார் என்று எதிர்பார்க்கலாம். நாட்டுப்புற பாடகியான ராஜலட்சுமி, தனது கணவர் மற்றும் பாடகர் செந்திலுடன் இணைந்து சூப்பர் சிங்கர் நிகழ்ச்சியில் நுழைந்தார். ஒவ்வொரு சீசனிலும் ஒரு பாடகர் அல்லது பாடகியை போட்டியாளராக பிபி வீட்டிற்குள் நுழைவதால், ராஜலட்சுமியின் பெயர் தற்போது அடிபட்டு வருகிறது.

அக்டோபரில்

விஜய் டிவியின் ஆஸ்தானா தொகுப்பாளரான டிடி என்கிற திவ்யதர்ஷினி பிக் பாஸ் நிகழ்ச்சிக்கு நுழைய உள்ளதாக கூறப்படுகிறது. கடந்த முறை பிரியங்கா தேஷ்பாண்டே வந்தது போல அந்த முறை டிடி உள்ளே நுழைய உள்ளார் என்று கூறப்படுகிறது. இந்த மூன்று முகமும் விஜய் டிவியின் பிரபலமான முகம் என்பதால் இவர்கள் நிச்சயம் கலந்துகொள்வார்கள் என்று கூறப்படுகிறது. பிக் பாஸ் நிகழ்ச்சி சீசன் 6 நிகழ்ச்சி அக்டோபர் இரண்டாம் தேதி தொடங்க உள்ளதாக தகவல் வெளியாகி உள்ளன.