பிரபாஸுக்கு இந்த நடிகையுடன் தான் திருமணமா? - பரவும் செய்தி.. உண்மை என்ன?

திருமண வதந்தி

திருமணச் செய்திகளால் ஒரு கட்டத்தில் கடுப்பான பிரபாஸ், அனுஷ்கா இருவருமே, திருமணம் குறித்த கேள்விகளைத் தவிர்த்து வந்தனர். இருவருமே அடுத்தடுத்த படங்களில் பிஸியாகி விட்டதால் திருமண வதந்தி சில மாதங்களாக குறைந்து வருகிறார்.

மீண்டும் கிளம்பும் வதந்தி

அனுஷ்கா 'பாகமதி' படத்தில் நடித்தார். அந்தப் படம் நல்ல வரவேற்பைப் பெற்றது. பிரபாஸ் 'சாஹோ' படத்தில் நடித்து வருகிறார். இந்நிலையில், பிரபாஸ் திருமணம் பற்றிய செய்திகள் மீண்டும் கிளம்பியுள்ளன.

நிஹாரிகா

இந்த முறை பிரபாஸுக்கு ஜோடியாக சிக்கியது அனுஷ்கா அல்ல. நிஹாரிகா. விஜய் சேதுபதியுடன் 'ஒரு நல்ல நாள் பாத்து சொல்றேன்' படத்தில் நடித்த நிஹாரிகா தான் பிரபாஸை திருமணம் செய்துகொள்ளவிருப்பதாக செய்திகள் வெளியாகின்றன.

சிரஞ்சீவி தம்பி மகள்

நிஹாரிகா, சிரஞ்சீவியின் தம்பி நாகேந்திர பிரசாத்தின் மகள். இவர் சிரஞ்சிவி நடிக்கும் 'சைரா நரசிம்ம ரெட்டி' படத்திலும் நடிக்கிறார். நிஹாரிகாவுக்கும், பிரபாஸுக்கும் விரைவில் நிச்சயதார்த்தம் நடக்கவிருப்பதாக தெலுங்கு ஊடகங்கள் எழுதி வருகின்றன.

சிரஞ்சீவி குடும்பத்தினர் மறுப்பு

சிரஞ்சீவி குடும்பத்தினர் இந்தச் செய்திகளால் அதிர்ச்சியடைந்துள்ளனர். தற்போது தான் நல்ல படங்கள் கிடைத்து வளர்ந்து வருகிறார் நிஹாரிகா. அவரது திருமணம் குறித்து தாங்கள் பேச்சே எடுக்கவில்லை எனத் தெரிவித்திருக்கிறார்கள்.