பத்திரிகையாளர்களைப் பார்த்து பயந்த பிரபுதேவா.. ஏன் தெரியுமா?

செய்தியாளர்களை பார்த்தாலே பயம்

"செய்தியாளர்களை பார்க்கும் போது, பள்ளி ஆசிரியரை பார்க்கும் போது ஏற்படும் பயம்தான் எனக்கு உருவாகிறது. எங்கே பொய் சொன்னால் மாட்டி விடுவோமோ என்ற பயம் உண்டாகிறது.

டிஜிட்டல் மீடியா

பத்திரிகையாளர்களை தனித்தனியாக பார்க்கும் போது எனக்கு எந்த பிரச்சினையும் இல்லை. ஆனால் கும்பலாக பார்க்கும் போது தான் அந்த உணர்வு வருகிறது. தற்போது டிஜிட்டல் மீடியா வந்துவிட்டதால், பத்திரிகையாளர்களின் எண்ணிக்கை அதிகரித்துவிட்டது. எல்லோருமே சிறப்பாக செயல்படுகிறீர்கள்.

பாராட்டும் போது சந்தோஷம்

எனது படத்தை பாராட்டும் போது எனக்கு சந்தோஷமாக இருக்கும். ஆனால் திட்டும்போது வருத்தமாக இருக்கும். மற்ற படங்களை திட்டும்போது சந்தோஷப்படுவேன். அதனால் எனது படங்களை திட்டும்போதும் வருத்தப்படக் கூடாது என நினைப்பேன்.

சார்லி சாப்ளின் 2 படம்

சார்லி சாப்ளின் 2 படம் எப்படி இருக்கிறது என்பதை நான் சொல்ல வேண்டிய அவசியம் இல்லை. படத்தை பார்த்து நீங்களே தெரிந்துகொள்வீர்கள். மற்றபடி இந்த படத்தில் வேலை பார்த்தது ஒரு சுகமான பயணம். அதனால் தான் இதன் அடுத்தடுத்த பாகங்கள் வெளியாக வேண்டும் என விரும்புகிறோம்", என பிரபுதேவா கூறினார்.