“நல்லா இடுப்ப வளைச்சு நெளிச்சு ஆடணும்”… மஞ்சு வாரியரை சுளுக்கெடுத்த பிரபுதேவா…

அசுரன் நாயகி மஞ்சு வாரியர்

மலையாளத்தில் முன்னணி நடிகையாக வலம் வரும் மஞ்சு வாரியர், தமிழில் அசுரன் படத்தில் தனுஷுக்கு ஜோடியாக நடித்திருந்தார். வெற்றிமாறன் இயக்கத்தில் வெளியான அசுரன் படத்தில், மஞ்சு வாரியரின் நடிப்புக்கு சிறப்பான பாராட்டுகள் கிடைத்தன. அதேபோல், மலையாளத்தில் 2019ம் ஆண்டு வெளியான லூசிபர், மரைக்காயர் அரபிக்கடலிண்டே சிம்ஹம், லலிதம் சுந்தரம், ஜேக் அன்ட் ஜில் என அடுத்தடுத்து சூப்பர் ஹிட் படங்களில் நடித்துள்ளார். அசுரன் படத்துக்கு பின்னர் அஜித்தின் 61வது படத்தில் நடித்து வருகிறார் மஞ்சு வாரியர்.

அஜித்துடன் பைக் டிரிப்

ஹெச் வினோத் இயக்கத்தில் உருவாகும் அஜித்தின் 'ஏகே 61' படத்தின் ஷூட்டிங் வேகமாக நடைபெற்று வருகிறது. இந்தப் படத்தில் நடித்துக் கொண்டிருக்கும் போதே அஜித்துடன் சேர்ந்து பைக் ட்ரிப் சென்று வந்தார் மஞ்சு வாரியர். கடந்த சில தினங்களுக்கு முன்னர் கூட அஜித்துடன் பைக் டிரிப் சென்றிருந்த போட்டோக்களை தனது டிவிட்டர் பக்கத்தில் ஷேர் செய்திருந்தார். இதனிடையே மலையாளத்திலும் 'ஆயிஷா' என்ற படத்தில் நடித்துள்ளார் மஞ்சு வாரியர்.

பிரபுதேவாவுடன் கூட்டணி

அமீர் பள்ளிக்கல் இயக்கத்தில் உருவாகும் இப்படத்தின் கதை, திரைக்கதையை ஆஷிப் கக்கோடி எழுதியுள்ளார். கிராஸ் பார்டர் கேமரா பிரைவேட் லிமிடெட் நிறுவனம் சார்பில் ஜக்காரியா தயாரித்துள்ள 'ஆயிஷா' திரைப்படம் விரைவில் வெளியாகவுள்ளது. கதாநாயகிக்கு முக்கியத்துவம் கொடுத்து இந்தப் படம் உருவாகியுள்ளதாக சொல்லப்படுகிறது. இந்நிலையில், ஆயிஷா படத்தில் இருந்து செகண்ட் சிங்கிள் டிராக் வெளியாகியுள்ளது. இந்தப் பாடலுக்கு பிரபுதேவா கோரியோகிராப் செய்துள்ளார்.

கலக்கும் கண்ணிலு கண்ணிலு

'கண்ணிலு கண்ணிலு மெய்யெழுதின கண்ணிலு' எனத் தொடங்கும் இந்தப் பாடலின் லிரிக்கல் வீடியோ வெளியாகி வைரலாகி வருகிறது. ஜெயச்சந்திரன் இசையமைத்துள்ள இந்தப் பாடலை பி.கே.ஹரி நாராயணனும் சுகைல் கோயா இணைந்து எழுதியுள்ளனர். மலையாளமும் அரபியும் கலந்து உருவாகியுள்ள இப்பாடலுக்கு பிரபுதேவா வேற லெவலில் கோரியோகிராப் செய்துள்ளார். மஞ்சு வாரியருக்கு க்யூட்டான ஸ்டெப்களை பிரபுதேவா சொல்லிக் கொடுக்கும் மேக்கிங் வீடியோவுடன் இந்தப் பாடல் வெளியாகியுள்ளது. பிரபுதேவா, மஞ்சு வாரியர் காம்போவில் மலையாள ரசிகர்களுக்கான அரபிக் குத்து பாடலாக இது வைரலாகி வருகிறது.