”ஜாலி எல்.எல்.பி” ரீமேக்... பொமன் இரானி வேடத்தில் பிரகாஷ் ராஜ்?

பொமன் இரானி :

தற்போது இப்படத்தில் பொமன் இரானி நடித்த கதாபாத்திரத்தில் பிரகாஷ்ராஜ் நடிக்கவிருப்பதாக கூறப்படுகிறது. இதுகுறித்து பிரகாஷ்ராஜிடம் படக் குழுவினர் பேச்சுவார்த்தை நடத்தியதாகவும், அவர் இதுவரை எந்த பதிலும் கூறவில்லை என்றும் கூறப்படுகிறது.

நடிக்கவும் முடிவாம்:

முதலில் இந்த படத்தை தயாரிக்க மட்டுமே முடிவு செய்த உதயநிதி, இந்த படத்தில் நடிக்கவும் முடிவு செய்துள்ளாராம். இவர்கள் நடிப்பது உறுதியாகிவிட்டால் இருவரும் இந்த படத்தில் வழக்கறிஞர்களாக நடிப்பார்கள்.

நகைச்சுவை எல்.எல்.பி:

நீதித்துறையில் நடக்கும் நிகழ்வுகளை நகைச்சுவையாக சொல்லிய படம் ஜாலி எல்.எல்.பி என்பது குறிப்பிடத்தக்கது.

ஏற்கனவே ஒருமுறை:

பிரகாஷ்ராஜ் ஏற்கெனவே இந்தியில் "முன்னாபாய் எம்.பி.பி.எஸ்" என்ற படத்தின் தமிழ் ரீமேக்கான வசூல்ராஜா எம்.பி.பி.எஸ் படத்தில் பொமன் இரானி நடித்திருந்த டீன் கதாபாத்திரத்தில் கலக்கலாக நடித்திருந்தார்.

வித்தியாச நடிப்பிற்கு பேர் போனவர்:

அதேபோல், இந்த படத்திலும் தனது வித்தியாசமான நடிப்பால் ரசிகர்களை கவர்வார் என தமிழ் சினிமா வட்டாரங்கள் கூறுகின்றன.