பிக் பாஸ் அசீமுக்கு ஆதரவளித்த பிரசாந்த் ரங்கசாமி.. காசு வாங்கிட்டீங்களா என கலாய்க்கும் ரசிகர்கள்!

பிஆர் ரெடி பண்ணிக்கோங்க

பிக் பாஸ் நிகழ்ச்சிக்கு போட்டியாளராக போக வேண்டும் என்றால் ஸ்ட்ராங்கான பிஆர் டீம் ரெடி பண்ணிக்கோங்க, அரசியல்வாதிகள் சிலர் உங்களுக்கு ஆதரவளித்தால் போதும் டைட்டில் உங்களுக்குத்தான். மக்களின் கருத்துக்கள் எல்லாம் இனிமேல் தேவையில்லை என்கிற விதத்தில் இந்த சீசன் பிக் பாஸ் நிகழ்ச்சி ஆரம்பத்தில் இருந்தே படு கேவலமாக மாறி விட்டதாக ரசிகர்கள் குற்றம்சாட்டி வருகின்றனர்.

பிஆர் பற்றிய பேச்சுக்கள்

24 மணி நேரமும் ஷோ ஓடிக் கொண்டிருப்பதால் போட்டியாளர்கள் பிஆர் குறித்த வெளிப்படையான பேச்சுக்களை பேசும் போது அதிகமாக பிக் பாஸ் நிகழ்ச்சியை ஒளிபரப்பி வரும் குழுவினர் அதையெல்லாம் கட் செய்யாமல் அப்படியே விட்டு விட்டனர். மணிகண்டன், ராம், அசீம், விக்ரமன் என பலருக்கும் வெளியே பிஆர் டீம் இருப்பதாக பேச்சுக்கள் அடிபட்டு வருகின்றன.

அரசியல் செல்வாக்கு

இதில், இறுதிப்போட்டியாளர்களாக மாறி உள்ள அசீம் மற்றும் விக்ரமனுக்கு ஸ்ட்ராங்கான அரசியல் செல்வாக்கு இருப்பது கண்கூடாக தெரிகிறது. விக்ரமனுக்கு திருமாவளவன் உள்ளிட்டோரே சப்போர்ட் செய்து வரும் நிலையில், அசீமுக்கு யூடியூப் விமர்சகர் மற்றும் நடிகரான இட்டிஸ் பிரசாந்த் எனப்படும் பிரசாந்த் ரங்கசாமி திடீரென ஆதரவளித்து இருப்பது அனைவரையும அதிர்ச்சியில் ஆழ்த்தி உள்ளது.

விக்ரமனுக்கு எதிராக

அசீமுக்கு ஆதரவாக பிரசாந்த் ரங்கசாமி பேச ஆரம்பித்துள்ள நிலையில் அவர் விக்ரமனுக்கு எதிராக செயல்படுகிறார் என நெட்டிசன்கள் கிண்டல் செய்து வருகின்றனர். அறம் வெல்லும் என விக்ரமன் கோல புகைப்படங்களை பதிவிட்ட நிலையில், சரியா வெல்லட்டும்.. அதுக்கு எதுக்கு என் மூஞ்சியை வரைஞ்சி வச்சிருக்கீங்க என கலாய்த்துள்ளார்.

விக்ரமன் வின் பண்ணுனா

அசீன் வின் பண்ணினா சொசைட்டி பேட் ஆகிடுமா.. அப்போ விக்ரமன் வின் பண்ணினா தமிழ்நாடு ஸ்விட்சர்லாந்தா ஆகிடுமா.. இல்லை கேட்குறேன் என தொடர்ந்து அசீமுக்கு ஆதரவாக ஏகப்பட்ட ட்வீட்களை போட்டும் அதை எதிர்த்து விமர்சிப்பவர்களுக்கு பதிலடி கொடுத்தும் வருகிறார் பிரசாந்த் ரங்கசாமி.

காசு வாங்கிட்டீங்களா

சினிமா படங்களுக்கு பாசிட்டிவ் விமர்சனங்களை சொல்ல யூடியூப் விமர்சகர்கள் பணம் வாங்குவதாக குற்றச்சாட்டுக்கள் எழுந்து வருகின்றன. புதிய படங்களை ப்ரமோட் செய்ய பல டிராக்கர்களும் போராடி வருவதையும் சினிமாவில் அவர்களுக்கு கிரெடிட்ஸ் கொடுப்பதும் அதிகரித்துள்ளது. இந்நிலையில், அசீமுக்கு ஆதரவளித்து பிரச்சாரம் பண்ண காசு வாங்கிட்டீங்களா பிரசாந்த் என ரசிகர்கள் கலாய்த்து வருகின்றனர்.