இருக்கு...இல்ல...இருக்கு...மீண்டும் மீண்டும் குழப்பும் பிரேம்ஜி

பிரேம்ஜிக்கு திருமணம்

பிரேம்ஜி ஓகே சொன்னதால் பெண்ணை பார்த்து முடிவு செய்துள்ளனர். விரைவில் பிரேம்ஜிக்கு திருமணம் செய்ய போவதாக கங்கை அமரன் அறிவித்திருந்தார். இதனையடுத்து ரசிகர்கள், பிரபலங்கள் பலர் அவருக்கு வாழ்த்து தெரிவித்தனர். ஆனால் அதற்கு பிறகு பிரேம்ஜியின் திருமணம் பற்றி எந்த தகவலும் இல்லை. சமீபத்தில் பிரேம்ஜி, தனது வாழ்க்கையில் திருமணமே கிடையாது என கூறினார்.

இவன் மட்டும் நிம்மதியா இருக்கான்

பிரேம்ஜியின் இந்த அறிவிப்பால் அனைவரும் அதிர்ச்சி அடைந்தனர். அப்படியானால் பெண் பார்த்து ஏற்பாடு செய்தது, திருமண ஏற்பாடுகள் நடைபெறுவதாக கூறியது எல்லாம் என்ன ஆயிற்று என அனைவரும் கேட்க துவங்கினர். இதற்கிடையில் பிரேம்ஜியின் அண்ணன் வெங்கட் பிரபு, இவன் மட்டும் நிம்மதியாக இருக்கிறான் என சோஷியல் மீடியாவில் கருத்து பதிவிட்டார்.

காதல்...திருமணம் வதந்தி

இந்நிலையில் சமீபத்தில் பாடகி வினய்தா என்பவரை பிரேம்ஜி காதலிப்பதாகவும், இருவரும் திருமணம் செய்யப் போவதாகவும் தகவல் பரவியது. பிரேம்ஜியுடன் எடுத்துக் கொண்ட போட்டோவை பாடகி வினய்தா இன்ஸ்டாகிராமில் பகிர்ந்து, தங்களின் காதலை மறைமுகமாக தெரிவித்ததாகவும் கூறப்பட்டது.

திருமணம் செய்து கொள்ளும் எண்ணமே இல்லை

இது பற்றி அவரிடம் கேட்ட போது, எனக்கு திருமணம் செய்யும் எண்ணமே இல்லை. திருமணம் செய்ய நினைத்திருந்தால் 10 ஆண்டுகளுக்கு முன்பே செய்திருப்பேன். என் வாழ்வில் திருமணம், குழந்தை மாதிரியான விஷயங்கள் எதுவும் கிடையாது. என் வாழ்க்கையில் திருமணம் இல்லை என்பதில் நான் தெளிவாக இருக்கிறேன் என்றார்.