Don't Miss!
- News கள்ளழகர் வைகை ஆற்றில் இறங்கும் நிகழ்வு.. வைகையில் இன்று முதல் தண்ணீர் திறப்பு
- Finance தங்கம் விலை உயர்வை சமாளிக்க, நகை கடைகள் புதிய ஐடியா.. உஷாரா இருங்க மக்களே..!
- Sports "பிரேக் அப் பண்ணப் போறாங்க" அழகான பெண்ணை பார்த்து வாயை பிளந்த சுப்மன் கில்.. வெளியான வீடியோ
- Lifestyle கர்ப்ப காலத்தில் பதட்டப்படும் பெண்களுக்கான டிப்ஸ்..!
- Technology பொளந்து கட்டுது சேல்.. ரூ.20499 பட்ஜெட்ல 108MP கேமரா.. 3D டிஸ்பிளே.. 5800mAh பேட்டரி.. எந்த மாடல்?
- Automobiles போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்?
- Travel சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ஸ்ட்ரைக்குக்கு முடிவு.. சிக்கல் கொடுத்த தியேட்டர்களை கட்டம் கட்ட விஷால் திட்டம்!
Recommended Video
சென்னை : கடந்த ஒரு மாதத்திற்கும் மேலாக நடைபெற்று வரும் திரையுலக ஸ்ட்ரைக் விரைவில் முடிவுக்கு வர இருக்கிறது. டிஜிட்டல் ஒளிபரப்புக் கட்டணங்களை குறைக்க வலியுறுத்தி நடைபெற்று வரும் இந்த ஸ்ட்ரைக் மூலம் பிரச்னைகளுக்கு தீர்வு ஏற்படவில்லை.
க்யூப் நிறுவனம் தயாரிப்பாளர்கள் சங்கத்தின் கோரிக்களை ஏற்றுக்கொள்ளவில்லை. தமிழகம் முழுக்க பெரும்பான்மையான திரையரங்குகளுக்கு டிஜிட்டல் சேவை செய்யும் இந்த நிறுவனம் சில தியேட்டர் உரிமையாளர்களுடன் மறைமுக ஒப்பந்தம் செய்துகொண்டதாகக் கூறப்படுகிறது.
இதன்மூலம், தயாரிப்பாளர் சங்கம் முன்னெடுத்த ஸ்ட்ரைக்கிற்கு தியேட்டர் உரிமையாளர்கள் குடைச்சல் கொடுத்து வந்தார்களாம். இந்நிலையில், அதிரடியாக, வேறொரு சிறிய நிறுவனத்துடன் ஒப்பந்தம் செய்துகொண்டுள்ளது தயாரிப்பாளர் சங்கம்.
ஏரோக்ஸ் எனும் டிஜிட்டல் சேவை வழங்கும் நிறுவனம் 50% குறைந்த கட்டணத்தில் திரையிட ஒப்புக்கொண்டுள்ளதாம். மேலும், சில நிறுவனங்களுடனும் ஒப்பந்தம் செய்ய பேச்சுவார்த்தை நடைபெற்று வருகிறதாம்.
இதனால், விரைவில் ஸ்ட்ரைக் முடிவுக்கு வரும் எனக் கூறப்படுகிறது. கோரிக்கைக்கு செவிமடுக்க மறுத்த க்யூபின் ஆதிக்கத்தை அடக்கும் முயற்சியாக உறுப்பினர்களின் ஆதரவோடு இந்த முயற்சியை எடுத்திருக்கிறது தயாரிப்பாளர் சங்கம்.
இந்த ஸ்ட்ரைக்கின்போது, தயாரிப்பாளர் சங்கத்தினை முடிவெடுக்க விடாமல் முடக்க முயற்சித்ததாக சில தியேட்டர் உரிமையாளர்கள் மீது குற்றச்சாட்டு எழுந்துள்ளது. தயாரிப்பாளர் சங்கத்தில் இது தொடர்பாக விவாதிக்கப்பட்டுள்ளது.
தயாரிப்பாளர் சங்கத்திற்கு எதிராக நின்ற சில தியேட்டர்களுக்கு புதிய படங்களை கொடுப்பதில்லை என முடிவெடுக்கப்பட்டிருக்கிறதாம். அந்தத் தியேட்டர்களை கட்டம் கட்டும் முடிவில் முனைப்பாக இருக்கிறார் தயாரிப்பாளர் சங்கத் தலைவர் விஷால்.