ஒரு நாளுக்கு இவ்வளவு செலவு வைப்பதா? நடிகைகள் நயன்தாரா, ஆண்ட்ரியா மீது தயாரிப்பாளர் புகார்!

நடிகர், நடிகைகள்

விழாவில் தயாரிப்பாளரும், நடிகருமான கே.ராஜன் பேசும்போது, நடிகர், நடிகைகள் அதிகம் செலவு வைப்பதாகக் கூறினார். அவர் கூறியதாவது: கொரோனா காலத்தில் தயாரிப்பு செலவுகளையும், நடிகர், நடிகைகள் சம்பளத்தையும் குறைக்க வேண்டும். சில நடிகர், நடிகைகள் அதிக செலவு வைக்கிறார்கள்.

தங்கும் செலவுகள்

நடிகை நயன்தாரா, தனக்கு மும்பையில் இருந்து சிகை அலங்கார நிபுணரையும், ஆடை வடிவமைப்பாளரையும் வர வைக்கிறார். அவர்களுக்கு சம்பளம், விமான செலவு, ஓட்டலில் தங்கும் செலவுகளை தயாரிப்பாளர் கவனிக்க வேண்டி இருக்கிறது.

ஆடை வடிவமைப்பாளர்

அவரது மேக்கப் மேன், உதவியாளர்கள் உட்பட மொத்தம் 7 பேருக்கு தயாரிப்பாளர் ஒரு நாளைக்கு ரூ.1.5 லட்சம் செலவு செய்ய வேண்டி உள்ளது. அவர் 40 நாட்கள் கால்ஷீட் கொடுத்தால் உதவியாளர்களுக்கு சுமார் ரூ.60 லட்சம் செலவாகிறது. தமிழ்நாட்டை சேர்ந்த நடிகை ஆண்ட்ரியாவும் மும்பை ஆடை வடிவமைப்பாளர், சிகை அலங்கார நிபுணர் வேண்டும் என்கிறார்.

தயாரிப்பாளர் நஷ்டம்

நடிகர்களும் தங்களுக்கான பாடிகார்டுகளுக்கு தயாரிப்பாளர்கள் சம்பளம் கொடுக்க வேண்டும் என்கின்றனர். இதனால் தயாரிப்பாளர்கள் நஷ்டம் அடைகின்றனர். இப்படிப்பட்ட செலவுகள் குறைக்கப் பட்டால்தான் சினிமா வாழும். இவ்வாறு அவர் பேசினார்.

ஆர்.வி.உதயகுமார்

விழாவில், தயாரிப்பாளர் சங்க தலைவர் முரளி, டைரக்டர் ஆர்.வி.உதயகுமார், கவிஞர் சினேகன், ஜாக்குவார் தங்கம், தயாரிப்பாளர்கள் ராதா கிருஷ்ணன், போஸ் வெங்கட், சக்கரவர்த்தி, வாராகி, இசையமைப்பாளர் அம்ரீஷ் உட்பட பலர் கலந்து கொண்டனர். ரேகா புரொடக்ஷன்ஸ் இந்தப் படத்தை தயாரித்துள்ளது.